БАЗАР-КОРГОН ШААРДЫК КЕҢЕШИ

ТОКТОМ

Базар-Коргон шаардык кеңешинин II-чакырылышынын

кезексиз XIV-сессиясынын

  2025-жылдын  14-октябры  №1

IV Элдик Курултайга Базар-Коргон шаарынан делегаттарды шайлоо жөнүндө

“IV Элдик Курултай жөнүндө” Кыргыз Республикасынын конституциялык Мыйзамынын 3, 11-беренелерине, Кыргыз Республикасынын Конституциясынын 70, 71-беренелерине, Кыргыз Республикасынын Президентинин 2025-жылдын 22-сентябрындагы №270 Жарлыгына, Базар-Коргон шаарынын мэриясынын аппарат жетекчисинин 03.10.2025-жылкы чыгыш №01-28/2956 сандуу катына жана Базар-Коргон шаардык кеңешинин мыйзамдуулукту, укук тартибин сактоо, жарандардын укугун жана кызыкчылыгын коргоо, регламент жана депутаттык этика боюнча туруктуу комиссиясынын корутундусуна негиз, депутаттардын сунуш пикирлерин эске алып Базар-Коргон шаардык кеңешинин II-чакырылышынын кезексиз XIV-сессиясы

ТОКТОМ  КЫЛАТ:

                 1. Кыргыз Республикасынын Президентинин 2025-жылдын 22-сентябрындагы №270 Жарлыгынын негизинде IV Элдик Курултайдын делегаттарын шайлоо боюнча Базар-Коргон шаарына бөлүнгөн бөлүктөрдө жарандардын жыйындарын жана жергиликтүү коомдоштуктардын жыйындарын же курултайын өткөрүү боюнча иш-чаралардын календардык планынын тийиштүү пунктары боюнча колдоого алынсын.

              2. Кезектеги IV Элдик Курултайдын делегаттарын шайлоо боюнча Базар-Коргон шаарына бөлүнгөн бөлүктөрдө жарандардын жыйындарын жана жергиликтүү коомдоштуктардын жыйындарын же курултайын өткөрүү боюнча жумушчу топтун курамы №1-тиркемеге ылайык бекитилсин

             3. Кезектеги IV Элдик Курултайдын делегаттарын шайлоо боюнча Базар-Коргон шаарына бөлүнгөн бөлүктөрдө жарандардын жыйындарын жана жергиликтүү коомдоштуктардын жыйындарын же курултайын өткөрүү боюнча графиги жана жыйындарды өткөрүүгө жооптуу депутаттардын тизмеси №2-тиркемеге ылайык бекитилсин.

             4. Кезектеги IV Элдик Курултайдын делегаттарын шайлоо боюнча Базар-Коргон шаарына бөлүнгөн бөлүктөрдө жарандардын жыйындарын жана жергиликтүү коомдоштуктардын жыйындарын же курултайын өткөрүү мезгилинде коомдук тартипти жана коомдук коопсуздукту сактоо жагы Базар-Коргон райондук ички иштер бөлүмүнүн башчысына жүктөлсүн.

5. Токтомду аткаруу жана уюштуруу иштерин алып баруу жагы Базар-Коргон шаарынын мэри Н.К.Мамбеталиевге жүктөлсүн.

6. Бул токтомдун аткарылышын көзөмөлдөө жагы Базар-Коргон шаардык кеңешинин мыйзамдуулукту, укук тартибин сактоо, жарандардын укугун жана кызыкчылыгын коргоо, регламент жана депутаттык этика боюнча туруктуу комиссиясынын төрайымы Аскар кызы Жанаргүлгө милдеттендирилсин.