САМАРКАНДЕК АЙЫЛДЫК КЕҢЕШИ

ТОКТОМ

Cамаркандек айылдык КенешининVII чакырылышынын  кезексиз XV сессиясы

2026-жылы 10-апрели №109

«Орто-Сай-Самаркандек» башталгыч мектебине атуулдун ысымын ыйгаруу жөнүндө

        Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” №123 мыйзамынын 34- жана 39-беренесинин негизинде жана Самаркандек айыл аймагындагы ардагер мугалимдердин атынан түшкөн кайрылуунун, “Орто-Сай-Самаркандек” башталгыч мектебинин эмгек жамаатынын жалпы чогулушунун протоколунун негизинде Самаркандек айылдык кеңеши токтом кылат:

1. Акын-жазуучу, котормочу, тарыхый илим изилдөөчү, Кыргыз Республикасынын Жазуучулар Союзунун 2001-жылдан берки мүчөсү, жаштардын билим алуусу үчүн өмүрүн тартуу кылган, өз убагында эмгектери бааланбай калган жердешибиз - маркум Жумаев Тургунбайдын жаркын элесин түбөлүккө калтыруу максатында Cамаркандек айылынын «Орто-Сай-Самаркандек» башталгыч мектебине Жумаев Тургунбайдын ысымы ыйгарылсын.
2. Бул токтомдун аткарылуусун камсыз кылуу жана тиешелүү маптериалдарды Баткен райондук билим берүү бөлүмүнө жеткирүү жагы  Самаркандек айыл өкмөтүнүн башчысы Рахман у. Т.  милдеттендирилсин.
3. Бул токтомдун аткарылуусун көзөмөлгө алуу жагы Самаркандек айылдык кеңешинин социалдык маселелер боюнча туруктуу комиссиясына тапшырылсын.
4. Кыргыз Республикасынын мыйзамдарынын жана Самаркандек айылдык кеңешинин регламентинин талаптарына ылайык ушул токтомду Кыргыз Республикасынын Юстиция министрлигинин ченемдик укуктук актыларынын реестрине каттоо жагы айылдык кеңешинин жооптуу катчысы Н.Орозовго милдеттендирилсин.
5. Токтом мамлекеттик тилде гана кабыл алынды.
6. Кабыл алынган ушул токтом samarkandek.gov.kg  сайтында жарыялансын.