ДӨБӨЛҮ АЙЫЛ АЙМАГЫНЫН АЙЫЛДЫК КЕҢЕШИ

ТОКТОМ  

 ХХIX чакырылышынын  кезектүү XXIII сессиясы

2026-жылдын  28-апрели  № 23/1

Дөбөлү  айыл  аймагынын Кеңеш жана Таш-Башат айылдарында жайгашкан карьерден инерттик материал алууга макулдук берүү жөнүндө

        Кыргыз Республикасынын 2018-жылдын 19-майындагы № 49  “Жер казынасы жөнүндө” Мыйзамына ылайык, Дөбөлү айыл аймагынын айыл өкмөтүнүн  2026-жылдын 28-апрелиндеги №02.2-3/384  катынын негизинде Дөбөлү  айыл аймагынын  айылдык  Кеңешинин депутаттарынын  сессиясы токтом кылат:

1.Кыргыз Республикасынын 2018-жылдын 19-майындагы № 49  “Жер казынасы жөнүндө” Мыйзамынын 35-беренесинин 4-пунктуна ылайык, Дөбөлү айыл аймагынын Нарын-Орук-Там унаа жолунун 9,5-15,5 жана 23-30 чакырым аралыктарына асфальт төшөө жумуштарына карата Кеңеш жана Таш-Башат айылдарындажайгашкан карьерден инерттик материал (кум шагыл аралашмасын) алууга макулдук берилсин.

2.Нарын-Орук-Там унаа жолун асфальт төшөө жумуштары аяктагандан кийин Кеңеш жана Таш-Башат айылдарында жайгашкан карьерди рекультивация иштерин жүргүзүү жагы Дөбөлү айыл аймагынын “Ак-Бел” муниципалдык ишканасына тапшырылсын.

3.Бул  токтомдун аткарылышын көзөмөлдөө жагы Дөбөлү  айыл  аймагынын айыл  өкмөтүнүн  башчысы К.Кудайбергеновго  милдеттендирилсин.