БАЛЫКЧЫ ШААРДЫК КЕҢЕШИ

БАЛЫКЧЫ    ШААРДЫК  КЕҢЕШИНИН

XXIХ ЧАКЫРЫЛЫШЫНЫН    

ХХIII–СЕССИЯСЫ

ТОКТОМ

2026-жылдын 19-май айы №108

Балыкчы шаарынын  жергиликтүү  жамааттарынын Уставын

бекитүү жөнүндө

     Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары” жөнүндө  мыйзамынын жергиликтүү жамааттардын Уставы жөнүндө 21-беренесине ылайык, Балыкчы шаарынын мэриясынын 2026-жылдын 8-апрелиндеги №01-13/1371 кат менен келген Кыргыз Республикасынын Министрлер Кабинетине Караштуу Мамлекеттик кызмат жана жергиликтүү өз алдынча башкаруу иштери боюнча мамлекеттик агенттиктин 2026- жылдын 17-мартында №01-25/78 буйругу кабыл алынып жергиликтүү жамааттардын типтүү уставын жана шаардык кенештин алдындагы Социалдык өнүгүү, укук коргоо, мыйзамдуулукту сактоо, мандат, депутаттык этика жана регламент маселелери боюнча депутаттык комиссиянын сунушун карап, талкуулап, Балыкчы шаардык кенешинин сессиясы

ТОКТОМ КЫЛАТ:

1. Балыкчы шаарынын  жергиликтүү жамааттын Уставы №1 тиркемеге ылайык бекитилсин.

1. Ушул токтом тиркемеси менен кошо Балыкчы шаарынын мэриясынын расмий веб-  сайтында  https://balykchy.gov.kg жарыялансын.

1. Мамлекеттик  тилде кабыл алынган  тийиштүү ченемдик укуктук акты каттоого алынсын жана токтомдун көчүрмөсү тиркемелери менен бирге ченемдик укуктук актылардын Мамлекеттик реестрине киргизүү үчүн Кыргыз Республикасынын Юстиция министрлигинин Ысык-Көл облустук башкармалыгына жөнөтүлсүн.

1. Токтомдун аткарылышын көзөмөлдөө жагы Балыкчы шаардык кеңешинин алдындагы Социалдык өнүгүү, укук коргоо, мыйзамдуулукту сактоо, мандат, депутаттык этика жана регламент маселелери боюнча туруктуу комиссиясына жана Балыкчы шаарынын мэрине жүктөлсүн.

Кеңештин төрагасы                                                                          Д.Ж.Аманалиев

                                                                 БЕКИТИЛДИ 

                                                            Ысык-Колоблусунун 

                                                            Балыкчы шаардык кеңешинин 

                                                             XXIX  чакырылышынын XXIII

  сессиясынын №110 токтомунун

         1-тиркемеси                  2026 – жылдын 19- майы 

                                                                                  ____________________________                    

Балыкчы шаарынын жергиликтүү жамааттын

 УСТАВЫ

Биз, Балыкчы шаарынын аймагынын жергиликтүү  жамааты, өз аймагыбызда жергиликтүү маанидеги маселелерди өз демилгебиз жана өз жоопкерчилигибиз менен чечүү укугубузду жана милдетибизди сезүү менен өзүбүздүн территориябыздагы жашаган жергиликтүү  жамааттын мүчөлөрүнүн жана башка жарандардын бузулбас биримдигин, ынтымагын, коомдук тартипти жана тынчтыкты курууну камсыз кылууну, шаарыбызды өнүктүрүүнү максат кылып; жергиликтүү жамааттын ички жашоо-тиричилигинин негизги принциптерин жана эрежелерин күндөлүк турмушка киргизүүнү көздөп, ушул уставды кабыл алабыз.