Мин-Булак айыл аймагынын айылдык Кеңеши

ТОКТОМ

Мин-Булак айыл аймагынын айылдык Кеңешинин I-чакырылышы

2025-жылдын 20-майы № 69

«Таза Булак» муниципалдык ишканасынын ишмердүүлүгү тууралуу

Кыргыз Республикасынын 2021-жылдын 20-октябрындагы №123 «Жергиликтүү мамлекеттик администрация жана жергиликтүү өз алдынча башкаруу органдары жөнүндө» Мыйзамына, ошондой эле 2000-жылдын 13-январындагы №3 «Жергиликтүү кеңештин депутаттарынын статусу жөнүндө» Мыйзамына ылайык, Кенештин 2025-жылдын 9-апрелиндеги №15 тескемесинин негизинде түзүлгөн муниципалдык ишкананын ишмердүүлүгүн баалоо боюнча убактылуу комиссиянын (2025-жылдын 20-майындагы чечими) чечиминин негизинде, «Таза Булак» муниципалдык ишканасынын директору Шамуза Р.М. тарабынан берилген 2025-жылдын төрт (4) айлык ишмердүүлүк отчёту угулуп жана талкууланып чыгып, Мин-Булак айылдык Кеңешинин сессиясы

ТОКТОМ КЫЛАТ:

1. Мин-Булак айыл өкмөтүнүн башчысы Д.М. Акназаровко сунушталсын:

1) 2025-жылдын төрт (4) айына карата муниципалдык ишкананын финансылык-экономикалык ишмердүүлүгүн текшерүүнү жүргүзсүн;

2) Текшерүү жүргүзүлгөн учурда, «Таза Булак» муниципалдык ишканасынын директору Шамуза Рашид Мухамеевичти жана МИнин бухгалтерин кызматтык милдеттерин аткаруудан убактылуу четтетсин.

2. Текшерүүнүн жыйынтыгы боюнча жазуу түрүндө маалыматын Мин-Булак айыл аймагынын айылдык Кеңешине сунуштасын.

3. Бул токтомдун аткарылышына көзөмөл жүргүзүүнү өзүмө калтырам.