АК-МОЮН АЙЫЛ АЙМАГЫНЫН АЙЫЛДЫК КЕӉЕШИ

ТОКТОМ

 X ЧАКЫРЫЛЫШЫНЫН  IV СЕССИЯСЫНЫН III КЕЗЕКСИЗ СЕССИЯСЫ

2026-жылдын 8-апрели   № 1

2026-жылга Бирлик айылы боюнча жазгы айдап-себүү, оруп-жыюу бааларын жана  малчылардын мал жандыктарын багуу баалары, жайыт акылардын баалары ошондой эле ички, ортоңку жана  сырткы жайлоого көчүп конуунун күнүн аныктап бекитүү жөнүндө

      X чакырылыштагы Ак-Моюн айылдык кеңешинин 4-сессиясы жогорудагы маселелерди угуп жана талкуулап, Ак-Моюн айыл аймагынын айылдык кеңеши карап чыгып  ТОКТОМ КЫЛАТ:

1.Бирлик айылы боюнча жазгы айдап-себүү, оруп-жыюу баалары 2026-жылга карата төмөнкүдөй бекитилсин.

        Бирлик айылындагы техникалардын элге кызмат кылуу тарифи

-        1 га дың жерди айдоого 30л май, 2000сом, айдоо жерге 25л май, 1700с;

-        1 га жерди тырмоого 10л май, 1000сом,1 га жерди себүүгө 10л май, 800сом;

-        1 га жерди косилка менен чабууга 10л май, 800сом;

-        1 га чөп чапкан жерди тырмоо 5л май, 600 сом;

-        1 га жерди Ешка менен чабууга 10л май, 1500сом;

-        1 га жерди пресстетүүгө 10л май,1 боо пресс 10 сом;

-        1га эгин чабуу комбайн 4500сом, майы ичинде.

-        1га арык тартуу 3л май, 200 сом.

-        1га жер таптоо 5л май, 500 сом

-        Өстөн арык  1метр жерге   2 сом, майы ичинде  

2. Бирлик айылында 2026-жылга малчылардын мал жандыктарын багуу баалары, жайыт акылардын баалары төмөндөгүдөй бекитилсин.

2.1. Мал баккан малчылардын ички жайытка көчүүсү 1-майдан, ортоңку жана сырткы жайлоого көчүү 1-июндан калбай көчүрүлсүн. Алыскы жайлоодон, ички жана ортоңку жайлоого 1-октябрдан кийин көчүп келсин. Эгерде 1-октябрга чейин көчүп келген малчыларга же мал айдап келген мал ээлерине бодо малга 500 сомдон, майда кой, эчкиге 60 сомдон мал башына айып төлөнүп, кайра Ак Сай өрөөнүнө айдатылсын.

2.2. Баданы уюштуруу 1-майдан калбай колго алынсын. Саан уйдун саны 3 уйдан ашпасын, арасында субай мал калтырууга жол берилбесин жана бадачынын эмгек акысы бир уйга айына 500 сомдон бааланып, бадачыга төлөнүп  берилсин.

2.3. Ички жайыттагы жана сарайдагы калган малдын саны 1 (бир) ат, 2 (эки) уйдан ашпасын.       1 (бир) ат, 2 (эки) уйдан ашык алып калган мал ээлерине жана мал тыштаган жарандарга кой, эчкиге башына 60 сомдон , бодо малга ( жылкы, уй, топоз ) башына 500 сомдон айып пул салынсын .

2.4. Мал баккан малчыларга майда жандыктын башына айына 80 сом, бодо малдын башына айына 600 сомдон төлөнүп берилсин  . Эгерде ушул көрсөтүлгөн баадан ашык ала турган болсо, патент, соц.төлөмдөрүн төлөсүн. Жайыт акы төлөмдөрү мал баккан малчыдан майда малдын туягына 20 сом, бодо малга 100 сом, кулун, музоого 70 сомдон төлөнсүн.

2.5. Кочкор, теке баккан малчы  бир айга  250 сомдон мал башына төлөнүп берилсин. Кочкор, текенин мал ээси өзү алмайынча 1-октябрга чейин таратылбасын, жайыт акы кочкорчудан өндүрүлсүн.

2.6. Айыл өкмөтүнүн каттоосунда жок сырттан келген малга жайкы жайыт акыга 3 эсе көбөйтүлүп төлөнсүн , майда малдын туягына 60сом, бодо малга 300 сомдон, кулун, музоо, мамалакка 210 сомдон жайыт акы төлөнсүн. Жайыт акысы мал баккан малчыдан же мал ээлеринен өндүрүлсүн.

2.7. Бирлик айылында айыл чарба жерин коруу 2026-жылдын 1- майынан 1-октябрына чейин корулсун. Ошондой эле 1- майдан  1-октябрга чейин айыл чарба жерине түшкөн бодо малдын башына 500 сом, майда малга 50 сом айып пул төлөнсүн

2.8. Ички жана алыскы жайытка көрсөтүлгөн мөөнөттө көчпөй, тартип бузган чабандардын, бодо малдын башына күнүнө 300 сомдон, майда жандыктын (кой, эчки) башына 50 сомдон айып салынып күнөөлүү адамдан өндүрүлсүн .

3. Ушул токтом каттоодон өткөрүлүп ak-moyun.gov.kg веб-сайтка жарыялансын жана Кыргыз Республикасынын ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн.

4. Бул токтомдун  аткарылышын камсыз кылуу  жагы Ак-Моюн айыл өкмөтүнүн тиешелүү кызматкерлерине  милдеттендирилсин .

5. Бул токтомдун  аткарылышын көзөмөлдөө жагы Ак-Моюн айыл өкмөтүнүн башчысына   жана өзүмө   калтырам.