КӨК-ЖАР АЙЫЛДЫК КЕӉЕШИ

ТОКТОМ

Көк-Жар айыл аймагынын айылдык кеңешинин Ⅷ чакырылышынын кезексиз 10-сессиясы

ТОКТОМ

2025-жылдын 02-сентябры №10-8

Көк-Жар айылынын тургундарынын арызы тууралуу

Кыргыз Республикасынын Президентинин 2023-жылдын 14-мартындагы “Автомобиль жолдорунун жээгиндеги жерлерге (жол тилкесиндеги жана жол боюндагы тилкедеги жерлерде) жол боюндагы тейлөө объектерин (анын ичинде сооданы) мыйзамсыз жайгаштырууну алдын алуу жана бөгөт коюу боюнча чаралар жөнүндө” №56-жарлыгына жана Көк-Жар айылынын тургундарынын арызына негиз, М.Чолпонов көчөсүнүн жол боюндагы тейлөө объектерин мыйзамсыз жайгашууну алдыруу максатында, жер, айыл чарба, суу, жайыт, жараштылышты коргоо, экология, жерге жайгаштыруу, өнөр-жай иштетүү, энергетика, архитектура, курулуш жана транспорт боюнча туруктуу комиссиясынын корутундусун угуп жана талкуулап, Көк-Жар айылдык кеңеши токтом кылат:

1.Окуучулардын жана жөө жүргүнчүлөрдүн жол кыймылынын коопсуздугун камсыздоо максатында, М.Чолпонов көчөсүнүн жол боюндагы мыйзамсыз жайгашкан объектер алынып, тротуарлар ачылсын.

2.Токтомду мыйзам чегинде аткарууга алуу жагы Көк-Жар айыл өкмөтүнүн башчысы А. Шамуратовго жана жер маселелери боюнча адисине жүктөлсүн.

3.Ушул токтом Көк-Жар айыл өкмөтүнүн расмий веб-сайтына жарыялансын.

4.Айылдык кеңешинин токтому ченемдик укуктук актылардын мамлекеттик реестрине киргизүү үчүн Ош юстиция башкармалыгына жөнөтүлсүн.

5.Токтом расмий жарыяланган күндөн тартып күчүнө кирет.

6.Токтомдун аткарылышын көзөмөлдөө жагы жер, айыл чарба, суу, жайыт, жараштылышты коргоо, экология, жерге жайгаштыруу, өнөр-жай иштетүү, энергетика, архитектура, курулуш жана транспорт боюнча туруктуу комиссиясына жүктөлсүн.