Тиркеме

Аспап жана ыңгайлаштырылган жабдыктар

менен иштөөдөгү коопсуздук эрежелери

1-бөлүм. Эрежелерди колдонуунун жалпы талаптары, чөйрөсү жана тартиби

1. Бул Эрежелер Кыргыз Республикасынын Эмгек кодексине, "Кыргыз Республикасындагы эмгекти коргоо жөнүндө" Мыйзамына ылайык иштелип чыккан, Бажы бирлигинин "Унаалардын жана жабдуулардын коопсуздугу жөнүндө" техникалык регламентине (ТР ТС-010/2011) жана Бажы бирлигинин "Төмөнкү вольттуу жабдуулардын коопсуздугу жөнүндө" техникалык регламентине (ТР TС-004/2011) ылайык келет, жана Кыргыз Республикасынын Энергетика министрлигинин ишканаларында жана уюмдарында жүк көтөрүүчү механизмдерди, шаймандарды жана аспаптарды колдонуу менен оңдоо-эксплуатациялоо, курулуш, монтаждоо жана жөндөө иштерин аткаруучу ишкерсан үчүн милдеттүү болуп саналат.Эмгекти коргоо боюнча жаңы ченемдерди колдонууга киргизүү учурларын кошпогондо, ушул Эрежелерден четтөөгө жол берилбейт. Эрежелерди аларды бекиткен органдар тарабынан гана өзгөртүлүшү мүмкүн.

2. Жүк көтөрүүчү механизмдерди, шаймандарды жана аспаптарды долбоорлоо, техникалык тейлөө жана иштетүү ушул Эрежелерде баяндалган талаптарга гана эмес, ошондой эле эмгект коопсуздугунун стандарттарынын системасынын, техникалык регламенттердин, Кыргыз Республикасынын Энергетика министрлигине караштуу Энергетикалык көзөмөл боюнча кызматынын эрежелерининин жана өндүрүш-заводдун нускамаларынын талаптарына ылайык келиши керек.

3. Жумушчулар жана кызматчылар үчүн ишкананын (уюмдун) администрациясы эмгекти коргоо боюнча нускамаларды иштеп чыгуу жөнүндө колдонуудагы Жобого ылайык эмгекти коргоо боюнча нускамаларды иштеп чыгууга жана профсоюздук комитети менен биргеликте бекитүүгө тийиш. Бул нускамалар ушул Эрежелердин жана эмгек коопсуздугунун стандарттарынын системасын талаптарына карама-каршы келбеши керек.

4. Ишканалардын жана уюмдардын административдик-техникалык ишкерсаны ушул Эрежелердин жана эмгек  коопсуздугунун стандарттарынын системасынын талаптарына жооп берген жүк көтөрүүчү механизмдерди, шаймандарды жана аспаптарды колдонуу менен иштегендердин эмгегинин коопсуз шарттарын түзүү үчүн уюштуруучулук жана техникалык иш-чаралардын аткарылышын камсыз кылууга милдеттүү.

5. Ишканалардын жана уюмдардын административдик-техникалык ишкерсаны ушул Эрежелердин жана эмгек коопсуздугунун стандарттарынын талаптарына жооп берген жүк көтөрүүчү механизмдерди, шаймандарды жана аспаптарды колдонуу менен иштегендер үчүн коопсуз шарттарын түзүү боюнча уюштуруучулук техникалык иш-чаралардын аткарылышын камсыз кылууга милдеттүү. Жергиликтүү шарттардын негизинде, зарыл болгон учурда, жумуштардын аткарылган коопсуздугун жогорулатуучу жана ушул Эрежелерге каршы келбеген кошумча иш-чаралар каралышы керек.

6. Ишкананын (уюмдун) администрациясы механизмдердин, жабдыктардын жана аспаптардын коопсуздук талаптарына ылайык келишине  (ылайыктуу сыноолорду өткөрүү, ченемдик актыга ылайык келген күбөлүктөндүрүү, өз убагында оңдоолорду жүргүзүү жана тиешелүү текшерүүдөн өтпөгөндөрдү четке чыгаруу), ишкерсандын коопсуздук эрежелерин сактоосун, алардын сактоочу шаймандарды, атайын кийимдерди жана башка жеке коргонуу каражаттарын колдонуусун системалуу көзөмөлдөөнү камсыз кылууга тийиш.

7. Ар бир кызматкер, эгерде ал Эрежелердин бузуулгадыгын четтетүү боюнча чараларды көрө албаса, өзүнүн түздөн-түз жетекчисине, ал эми ал жок болгон учурда - жогору турган жетекчисине Эрежелердин бардык бузуулары, ошондой эле иш учурунда колдонулган механизмдердин, жабдыктардын жана шаймандардын бузулушу жөнүндө дароо билдирүүгө милдеттүү. Бузулган же өз убагында сыноодон же күбөлөндүрүүдөн өтпөгөн механизмдерди, түзүлүштөрдү жана аспаптарды (эгерде бул тиешелүү техникалык регламенттерде талап кылынса) колдонууга жол берилбейт. Ошондой эле механизмдин, түзүлүштүн же аспаптын, коргоочу жана сактоочу жабыктарын жана түзүлүштөрдүн конструкциясына эмгектин коопсуздугун начарлатуучу ар кандай өзгөртүүлөрдү өз алдынча уруксатсыз киргизүүгө жол берилбейт.

8. Өз ишинде ушул Эрежелердин иреттик аткарылышын камсыз кылбаган механизмдерди, түзүлүштөрдү жана шаймандарды түздөн-түз пайдаланган кызмат адамдарды, анын ичинде жумушчулар Кыргыз Республикасынын колдонуудагы мыйзамдарына ылайык тартиптик жазага тартылышат жана белгиленген тартипте администрациялык же болбосо жазык жоопкерчилигине тартылышат.

9. Техникалык тейлөө, курулуш-монтаждоо жана жөндөө иштеринде  колдонулуучу электрден коргоо каражаттары жана жеке коргонуу каражаттары (диэлектрик кол каптар, чыңалуу көрсөткүчтөрү, изоляцияланган туткалары бар аспаптар, коопсуздук курлары, каскалар ж.б.) мамлекеттик стандарттардын (техникалык регламенттердин) жана электр орнотмолорунда колдонулуучу коргоо каражаттарын колдонуу жана сыноо эрежелеринин талаптарына ылайык келүүгө тийиш.

2-бөлүм. Шаты, курулуш шатылары жана подмосттор  

         10. Чыңалуу астында иштегенде (электр орнотмолорунда) тепкичтерди, курулуш шатылары жана подмостилерди колдонуу коопсуздук эрежелерин так сактоону талап кылат: конструкциялар оң, ишенимдүү, инвентардык, диэлектриктик (тепкичтер үчүн) же жерге туташтырылган (металл курулуш шатты үчүн) болушу керек. Курулуш шаттар жана подмостилер Кыргыз Республикасында колдонулган курулуш ченемдеринин жана эрежелеринин, стандарттарынын талаптарына ылайык келиши керек (КР СН 12-01: 2018 "Курулуштагы эмгек коопсуздугу").

Иштеп жаткан электр орнотмолорунда иштөөдө  диэлектрик материалдар (айнек буласы) же нымдуулукту сиңирип албаган кургак жыгач артыкчылыкка ээ. Чыңалуудагы агын өткөрүүчү бөлүктөргө жакын иштегенде темир тепкичтерди колдонууга тыюу салынат. Улоочу (көчмө) тепкичтерден чыңалуудагы бөлүктөргө жакын жана андан алыс жерлерде  чыңалууну алып салуу жана жерге туташтыруу менен иштерди аткарууга уруксат берилет.

11. Курулуш, монтаждоо, оңдоо жана техникалык тейлөө иштеринде  төмөнкү типтеги тепкичтер колдонулат: