ҮЧ-ТЕРЕК АЙЫЛДЫК КЕҢЕШИ

ТОКТОМ

Үч-Терек айылдык кеңешинин IX чакырылышынын кезектеги

XI сессиясы

2025-жылдын 12-сентябрындагы №64

Жетиген айылынын Тар-Туулук капчыгайындагы №4661 контурдагы 1,0 га жайыт жердин багытын которууда (трансформациялоого) чектик өлчөмүн аныктоо жөнүндө

Үч-Терек айыл өкмөтүнө караштуу Жетиген айылынын Тар-Туулук капчыгайындагы №4661 контурдагы 1,0 га жайыт жер аянтын багытын өнөр жай багытына которуу (трансформациялоо) жөнүндөгү айыл өкмөттүн жер маселелери боюнча башкы адиси М.Келгенбаевдин сунушун угуп жана талкуулап, Кыргыз Республикасынын Жер Кодексинин 21-беренесин жетекчиликке алып, Үч-Терек айылдык кеңешинин IX чакырылышынын XI сессиясы

ТОКТОМ КЫЛАТ:

1. Жетиген айылынын Тар-Туулук капчыгайындагы №4661 контурдагы 1,0 га жайыт жер аянтынын багытын өнөр жай багытына которуу (трансформациялоо) үчүн жер тилкесинин чектик өлчөмү 1,0га деп бекитилсин.

2. Аныкталган чектик өлчөмү боюнча мыйзамда белгиленген тиешелүү иш кагаздарын даярдоо жагы айыл өкмөтүнө милдеттендирилсин.

3. Бул токтомдун аткарылышын көзөмөлдөө жагы айылдык кеңештин жер, турак жай маселелери жана муниципалдык менчик, айыл чарбасы, ветеринария, жалпыга маалымдоо каражаттары, коомдук уюмдар жана жергиликтүү коомдоштуктар» боюнча туруктуу комиссиясынын төрагасына жүктөлсүн.

4. Бул токтомду Үч-Терек айылдык кеңешинин веб сайтына жайгаштыруу жагы, жооптуу катчы Ч.Үметалиевага милдеттендирилсин.

5. Бул токтом расмий жарыяланган күндөн тартып күчүнө кирет.