ҮЧ-ТЕРЕК АЙЫЛДЫК КЕҢЕШИ

ТОКТОМ

Үч-Терек айылдык кеңешинин IХ чакырылышынын кезексиз

ХII сессиясы

2025-жылдын 14-октябрындагы №65

Кезектеги IV Элдик Курултайга делегаттарды шайлоо боюнча

жергиликтүү жыйындарды жана жергиликтүү коомдоштуктардын жыйынын өткөрүү жөнүндө

Кыргыз Республикасынын Президентинин 2025-жылдын 22-сентябрындагы №270 «Кезектеги IV Элдик Курултайды өткөрүү жөнүндө» Жарлыгына ылайык, 2025-жылдын 22-23-декабрында өтүүчү кезектеги IV Элдик Курултайга, Үч-Терек айыл аймагынан делегаттарды шайлоону уюштуруу жана өткөрүү максатында, Үч-Терек айылдык кеңешинин IХ чакырылышынын кезексиз ХII сессиясы

ТОКТОМ КЫЛАТ:

1. Кезектеги IV Элдик Курултайдын делегаттарын шайлоо боюнча жергиликтүү жыйындарды жана жергиликтүү коомдоштуктардын жыйынын өткөрүү чечими кабыл алынсын жана жергиликтүү жыйындарды өткөрүүнүн графиги жана жооптуу депутаттар 1-тиркемеге ылайык бекитилсин.

2. Жергиликтүү коомдоштуктардын жыйынына катышуучу өкүлдөрдүн саны, айыл өкмөт боюнча айылдардагы калктын санына жараша Үч-Терек айылы боюнча-20, Саргата-18, Кызыл-Ураан-18, Жетиген-18 жана Такталык-6 , жалпы өкүлдөрдүн саны квотага ылайык 80 адам деп бекитилсин.

3. IV Элдик Курултайдын делегаттарын шайлоо боюнча жергиликтүү коомдоштуктардын жыйыны 2025-жылдын 1-ноябрында саат 10.00до Үч-Терек айылындагы Т. Абдиев атындагы маданият үйүнүн көрүүчү залында өткөрүлүүсү белгиленсин.

4. Жергиликтүү коомдоштуктардын жыйынын уюштуруу жана өткөрүү боюнча жумушчу топтун курамы 2-тиркемеге ылайык бекитилсин.

5. 2025-жылдын 1-ноябрында Үч-Терек айылында Жергиликтүү коомдоштуктардын жыйынын уюштуруу жана өткөрүү боюнча керектүү акча каражатын карап берүү жагы айыл өкмөт башчысына тапшырылсын.

6. Бул токтом расмий жарыяланган күндөн тартып күчүнө кирет.