КЫЗЫЛ-КЫЯ ШААРДЫК КЕӉЕШИ

ТОКТОМ

Кызыл-Кыя шаардык кенешинин XXVI  сессиясы

 (VIII чакырылыш)

2026-жылдын 14-июлу  №26/121

Кыргыз Республикасынын Президентинин иш башкармалыгына караштуу Транспорт каражаттарын жана айдоочулук курамды каттоо боюнча мамлекеттик борбордун Кызыл-Кыя бөлүмүнө имарат курууга жер тилкесин ажыратып берүү жөнүндө

Күн тартибиндеги маселени карап жана талкуулап чыгып, Кыргыз Республикасынын «Жергиликтүү мамлекеттик администрация жана жергиликтүү өз алдынча башкаруу органдары жөнүндө» мыйзамынын 34-беренесине негиз, шаардык кенештин Коммуналдык обьектер, менчик, мүлк, экология, санитардык тазалоо, көрктөндүрүү, архитектура жана курулуш маселелери боюнча туруктуу комиссиясынын 2026-жылдын  9-июнундагы №23, 2026-жылдын 6-июлундагы №24 протоколдору менен каралгандыгын жана Кызыл-Кыя шаардык мэриясынын 2026-жылдын 2-июнундагы №01-14/2425 жана ММДнын 2026-жылдын 2-июлундагы №1199 каттарын эске алып, Кызыл-Кыя шаардык кенешинин сессиясы, токтом  кылат:

1. Кыргыз Республикасынын Президентинин иш башкармалыгына караштуу Транспорт каражаттарын жана айдоочулук курамды каттоо боюнча мамлекеттик борбордун Кызыл-Кыя бөлүмүнө имарат курууга Кызыл-Кыя шаарынан жер тилкесин ажыратып берүүгө макулдук берилсин.
2. Ушул токтомдун 1-пунктун аткарууда жер тилкесинин дарегин, аянтын аныктоо жана тиешелүү документтерди даярдоо жагы шаардын мэри Б.Кошалиевге жүктөлсүн.
3. Токтом мыйзамда каралган тартипте катталсын жана Кызыл-Кыя шаардык кенешинин kyzyl-kiya.gov.kg сайтына жарыялансын.
4. Токтом жарыяланган күндөн баштап күчүнө кирет.
5. Ушул токтомдун аткарылышын көзөмөлгө алуу жагы шаардык кеңештин Коммуналдык обьектер, менчик, мүлк, экология, санитардык тазалоо, көрктөндүрүү, архитектура жана курулуш маселелери боюнча туруктуу комиссиясына тапшырылсын.

Төрага А.Мурзаев