ОРМОН-ХАН АЙЫЛ АЙМАГЫНЫН АЙЫЛДЫК КЕҢЕШИ

КЕЗЕКСИЗ XIX СЕССИЯСЫ

2026-жылдын 2-июлу № 19/2

 ЭскиКочкор райондук балдар-өспүрүмдөр спорттук мектебинин имаратын бузууга макулдук берүү жөнүндө

Ормон-Хан айыл өкмөтүнүн муниципалдык менчигинде турган Кочкор айылынын Сапар Алиев 3 дарегинде жайгашкан, кыймылсыз мүлк бирдигинин техникалык паспорту боюнча идентификациялык коду 4-0403-1001-2290,  эски Кочкор райондук балдар-өспүрүмдөр спорттук мектебинин 779,67 м2 имаратын бузууга макулдук берүү туралуу айыл өкмөтүнүн сунушун угуп, талкуулап, “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 34,39-беренелерин жетекчиликке алып,Ормон-Хан айыл аймагынын айылдык кеңеши токтом кылат:

1.    Кочкор айылынын Сапар Алиев 3 дарегинде жайгашкан, кыймылсыз мүлк бирдигинин техникалык паспорту боюнча идентификациялык коду 4-0403-1001-2290,  эски Кочкор райондук балдар-өспүрүмдөр спорттук мектебинин 779,67 м2 имаратын бузууга макулдук берилсин.

2.    Токтомду аткарууда тиешелүү мыйзамдардын негизинде иш алып баруу жагы Ормон-Хан айыл өкмөтүнүн башчысына милдеттендирилсин.

3.    Токтомдун аткарылышын көзөмөлдөө жагы Айыл чарбасы, экологияны коргоо, жер жана муниципалдык менчик боюнча туруктуу комиссиясына тапшырылсын.