АК-ТЕРЕК АЙЫЛ АЙМАГЫНЫН  ЖЕРГИЛИКТҮҮ КЕӉЕШИ

ЖЕРГИЛИКТҮҮ КЕҢЕШТИН ТОКТОМУ

2026-жылд ын

9-июлу,   №228                                                                         

Мамлекеттик лизинг компаниясынын айыл чарба жана атайын

техникаларды алууга макулдук берүү  жѳнүндѳ

                       Ак-Терек айыл өкмөтүнүн 2026-жылдын 8-июлундагы №01-7-2263 катынын негизинде, Мамлекеттик лизинг компаниясынын айыл чарба жана атайын техникаларды алуу боюнча, Ак-Терек айыл ѳкмѳтүнүн башчысы У.Э.Эмилбековдун билдирүүсүн угуп жана Ак-Терек айыл аймагынын жергиликтүү кеӊешинин бюджет, экономика, инвестиция, тышкы байланыш боюнча туруктуу комиссиянын чечимин угуп, талкуулап Ак-Терек айыл аймагынын жергиликтүү кеңешинин сессиясы токтом кылат:

1. Ак-Терек айыл ѳкмѳтү боюнча Мамлекеттик лизинг компаниясынын айыл чарба жана атайын техникаларды алууга макулдук берилсин. Ак-Терек айыл өкмөтүнө лизинг механизм аркылуу атайын техника (спец.техника) сатып алынсын.

1.  Ак-Терек айыл өкмөтүнө Кыргыз Республикасынын мыйзамдарынын талаптарына ылайык лизинг механизми аркылуу атайын техникаларды сатып алуу боюнча тиешелүү иш-чараларды жүргүзүү, лизинг берүүчү уюмдар менен сүйлөшүүлөрдү жүргүзүү жана керектүү документтерди даярдоо милдеттендирилсин.

1. Лизинг аркылуу сатып алынуучу атайын техникалардын түрү, саны жана техникалык мүнөздөмөлөрү айыл өкмөтүнүн муктаждыгына жараша аныкталсын.

1. Бул токтомдун аткарылышын камсыз кылуу жагы Ак-Терек айыл өкмөтүнүн башчысы У.Э. Эмилбековго милдеттендирилсин.

1. Ак-Терек айыл аймагынын жергиликтүү кеӊешинин токтомдору  каттоого алынсын жана токтомдун көчүрмөсү ченемдик укуктук актылар Мамлекеттик реестрине киргизүү үчүн Кыргыз Республикасынын юстиция Министрлигинин Ысык-Кѳл облустук башкармалыгына жөнөтүлсүн.

1. Бул токтом Кыргыз Республикасынын ченемдик укуктук актыларынын Мамлекеттик реестрине киргизилген күндөн тартып күчүнө кирет.

1. Бул токтомдун аткарылышын көзөмөлдѳѳ жагы Ак-Терек айыл аймагынын жергиликтүү кеӊешинин бюджет, экономика, инвестиция, тышкы байланыш боюнча туруктуу комиссиянын төрайымы Т.Т. Ормуковага тапшырылсын.

Төрага                                                          А.А. Мамбетов