АЙРЫ-ТАМ АЙЫЛДЫК КЕҢЕШИ

ТОКТОМ

Айры-Там айылдык кенешинин I чакырылышынын кезектеги

I сессиясынын

2026-жылдын 18-февралындагы №1/5

“1-Май Эмгек” муниципалдык ишканасына субсидия бөлүп берүү жөнүндө”

Кыргыз Республикасынын “Жергиликтүү мамлекеттик администрациясы жана жергиликтүү өз алдынча башкаруу органдары жөнүндө” мыйзамынын 34- 39- беренелерин жетекчиликке алып, “1-Май Эмгек” муниципалдык ишканасынын жетекчиси А.Касымовдун маалыматын угуп жана талкуулап, айылдык кеңештин бюджет, экономика, муниципалдык менчик, инвестиция, ишкердик иш жана тышкы экономикалык байланыш маселелери боюнча туруктуу комиссиясынын 2026-жылдын 5-февралында өткөрүлгөн отурумунун корутундусунун негизинде, Айры-Там айылдык кеңешинин I чакырылышынын кезектеги I сессиясы токтом кылат:

   1.        “1-Май Эмгек” муниципалдык ишканасына 8648000(сегиз миллион алты жүз кырк сегиз миң) сом субсидия (соц.фон. салык төлөмдөрү камтылган) айыл аймактын жергиликтүү бюджетинен бөлүп берүүгө макулдук берилсин.

   2.        Ушул токтомдун аткарылышын камсыздоо жана каражаттарды өз максатында мыйзамдын чегинде чыгымдоо Айры-Там айыл аймагынын ФЭБ башчысы К.Жороевага милдеттендирилсин.

   3.        Токтомду alabuka.kg сайтына жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү үчүн Кыргыз Республикасынын Юстиция Министрлигинин Жалал-Абад облустук башкармалыгына жөнөтүү жагы Айры-Там айылдык кеңешинин жооптуу катчысына жүктөлсүн.

   4.        Бул токтомдун аткарылышын көзөмөлгө алууну айылдык кеңештин бюджет, экономика, муниципалдык менчик, инвестиция, ишкердик иш жана тышкы экономикалык байланыш маселелери боюнча туруктуу комиссиясына, ишке ашыруу жагы айыл өкмөтүнүн жетекчилигине жүктөлсүн.