ОРТО-КАЙЫҢДЫ АЙЫЛДЫК КЕҢЕШИНИН

ТОКТОМУ

2026-жылдын 6-апрели № 50

Айыл өкмөтүнө караштуу мектепке чейинки билим берүү  уюмдарында ата-энелердин тамак-аш төлөмдөрүн бекитүү

 Орто-Кайыңды айыл өкмөтүнүн СЭӨБнүн башчысы  Э.М.Машланованын  Орто-Кайыңды айыл өкмөтүнө караштуу айыл аймагындагы мектепке чейинки билим берүү  уюмдарында  ата-энелердин  жыйындарынын чечимдеринин негизинде тамак-аш төлөмдөрүн жогорулатуу  боюнча маалыматын угуп  жана баардык азык түлүккө баа көтөрүлгөндүгүн эске алуу менен Кыргыз Республикасынын  “ Жергиликтүү мамлекеттик администрация жана жергиликтүү өз алдынча башкаруу органдары жөнүндө “ Мыйзамынын  34  - беренесине ылайык  Орто-Кайыңды айылдык  кеңеши токтом кылат:

         1.Орто-Кайыңды айыл аймагынын  Вознесеновка айылындагы  “Ширин-Бөбөк ”, Кубат Жуматаев ЖББМнин балдар бакчасында,  Кум-Арык айылындагы  “ Таалимтай ”, Букара айылындагы “ Күн-Балдары” мектепке чейинки билим берүү  уюмдарында  2026-жылдын 1-апрелинен баштап  ата-энелердин тамак-аш  күнүмдүк  төлөмү 100 ( жүз) сом өлчөмүндө бекитилсин.

        2. Айыл аймагынын   мектепке чейинки  билим берүү уюмдарынын   жетекчилерине  уюштурулган  тамак-аштын сапатын көзөмөлдөө жана ата-энелердин  төлөмдөрүн  максаттуу пайдаланылышын камсыз кылуу жүктөлөт.

        3. Ушул токтом  каттого алынсын жана Кыргыз Республикасынын  ченемдик-укуктук  актыларынын мамлекеттик реестрине киргизүү үчүн Кыргыз Республикасынын  юстиция Министирлигине   жөнөтүлсүн.  

        4. Ушул токтомдун аткарылышын  көзөмөлдөө жагы  айылдык кеңештин социалдык маселелер боюнча туруктуу комиссиясына  жүктөлсүн.