АК-СУУ АЙЫЛДЫК КЕҢЕШИ

ТОКТОМ

“Ак-Суу айыл аймагынын айылдык кеңешинин IX чакырылышынын X сессиясы”

2025-жылдын  26-ноябрыдагы № 10/60                         

“Коргон-Дөбө айылындагы жаңы ачылган мектепке чейинки билим берүү уюмуна ысым ыйгаруу жөнүндө”

Кыргыз Республикасынын "Жергиликтүү өз алдынча башкаруу жөнүндө" Мыйзамына, "Жергиликтүү кеңештердин статусу жөнүндө" Мыйзамына жана айыл тургундарынын 2025-жылдын 17-ноябрында өткөн жалпы жыйынынын №8 протоколундагы сунушуна ылайык, Коргон-Дөбө айылындагы жаңы ачылып пайдаланууга берилген мектепке чейинки билим берүү уюмуна ысым ыйгаруу маселеси каралды. Элдик жыйында маркум Балтабаев Медербектин айылга көрсөткөн эмгектерин жана коомдук ишмердигин эске алуу менен анын ысымын билим берүү мекемесине ыйгаруу сунушу кеңири колдоого алынгандыгы белгиленди. Жогорудагылардын негизинде, айыл элинин сунушун жана мыйзамдардын талаптарын жетекчиликке алып, Ак-Суу айыл аймагынын айылдык кеңеши

ТОКТОМ КЫЛАТ:

1. Коргон-Дөбө айылындагы жаңы ачылган мектепке чейинки билим берүү уюмуна «Балтабаев Медербек» ысымы ыйгарылсын.

1. Бул токтомдун аткарылышын камсыздоо Ак-Суу айыл өкмөтүнө жүктөлсүн.

1. Ак-Суу айыл өкмөтү аталган мекеменин юридикалык документтерине тиешелүү өзгөртүүлөрдү киргизүүнү камсыздасын.

1. Ушул токтом Ак-Суу айыл аймагынын расмий веб-сайтына жарыялансын.

1. Аталган токтомду расмий жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү үчүн жиберүү жагы жооптуу катчы Ж. Жолдубай уулуна милдеттендирилсин.

1. Бул токтомдун аткарылышын көзөмөлдөө милдетин айылдык кеңештин мыйзамдуулук , этика маселелер боюнча туруктуу комиссиянын төрагасы А.Токторалиевага жүктөлсүн.

.

Тɵрага М. Шаршеналы уулу