КУЛУНДУ АЙЫЛДЫК КЕӉЕШИ

ТОКТОМ

Кулунду айылдык Кеңешинин VIII чакырылышынын кезектеги XVI-сессиясы

2026-жылдын 28-июлу № 144

   “Күн энергиясы менен иштеген көчө чырактарын алуу  жөнүндө”

 Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Кыргыз Республикасынын Мыйзамынын 34, 39-беренелерин, Кыргыз Республикасынын Бюджеттик кодекстин 95-беренесин жетекчиликке алып, ошондой эле Экономика, бюджет, соода жана ишкердүүлүк боюнча туруктуу комиссиянын корутундуларын угуп жана талкуулап чыгып Кулунду айылдык кеңешинин кезектеги XVI сессиясынын отурумунун №16 протоколунун чечиминин  1-бөлүмүнүн 12-пунктунун негизинде, Кулунду айылдык кеңеши токтом кылат:

1. Кулунду айыл аймагынын айылдарына 100(жүз) даана күндөн электр энергия алуучу көчө жарыктарына Кулунду айылынын К.Ниязматов көчөсүнө  20(жыйырма) даана кошуп жалпысынан 120(жүз жыйырма) даана үчүн жергиликтүү бюджеттин эсебинен 2 000 000(эки миллион) сомго макулдук берилсин.
2.  Ушул токтомдун аткарылышы Кулунду айыл өкмөтүнүн башчысына милдеттендирилсин.
3. Бул токтом Кулунду айыл өкмөтүнүн https://www.kulundu.gov.kg  расмий веб-сайтында жарыялансын.
4. Айылдык кеңештин жооптуу катчысы  бул токтомду каттоого алсын жана токтомдун көчүрмөсү тиркемелери менен бирге ченемдик укуктук актылар Мамлекеттик реестрине киргизүү үчүн Кыргыз Республикасынын юстиция Министрлигинин Баткен облустук башкармалыгына жөнөтүлсүн.
5.  Бул токтом Кыргыз Республикасынын ченемдик укуктук актыларынын Мамлекеттик реестрине киргизилген күндөн тартып күчүнө кирет.
6. Бул токтомдун аткарылышын контролдоо Экономика, бюджет, соода жана ишкердүүлүк маселеси боюнча туруктуу комиссиясына жүктөлсүн.