ЭСЕНАЛЫ ДАЙРАКУНОВ АЙЫЛ АЙМАГЫНЫН

АЙЫЛДЫК КЕӉЕШИ

ТОКТОМ

XXIX ЧАКЫРЫЛЫШЫНЫН XIII КЕЗЕКСИЗ СЕССИЯСЫ

2025-жылдын 15-октябры  №13/1 

Кезектеги  IV Элдик Курултайга делегатты шайлоо боюнча жергиликтүү коомдоштуктун жыйындарын өткөрүү жөнүндө

Кыргыз Республикасынын Президентинин 2025-жылдын 22-сентябрындагы «Кезектеги IV Курултайды өткөрүү жөнүндө» №270 Жарлыгы жана кезектеги IV Элдик Курултайды өткөрүү, делегаттарды шайлоо жана координациялоо боюнча уюштуруу комитетинин жыйналышынын №1 протоколун аткарууга алуу максатында,  Эсеналы Дайракунов айыл аймагынын айылдык кеңешинин XXIХ чакырылышынын XIII кезексиз сессиясы;

ТОКТОМ КЫЛАТ:

1.    Кыргыз Республикасынын Президентинин 2025-жылдын 22-сентябрындагы «Кезектеги IV Курултайды өткөрүү жөнүндө» №270  Жарлыгы жетекчиликке жана аткарууга алынсын.

2.    Элдик Курултайдын делегаттарын шайлоо тартиби жөнүндө жобонун 7-пунктунда аныкталган нормага ылайык, Эсеналы Дайракунов айыл аймагынын калкынын саны 7424 адам болгондуктан жергиликтүү коомдоштуктун жыйынынын өкүлдөрүнүн же курултайынын делегаттарынын саны 50 деп бекитилсин.

3.    Жыйындарды, жергиликтүү коомдоштуктун жыйындарын өткөрүүнү уюштуруу, материалдык-техникалык камсыздоо жана маалымдоо иштерин жүргүзүү жергиликтүү өз алдынча башкаруу органы Э.Дайракунов айыл аймагынын айыл өкмөтүнө жүктөлсүн.

4.    Бекитилген график боюнча жыйындардын өткөрүлүшүн, ал жыйындардан жергиликтүү коомдоштуктун жыйындарына же курултайына өкүлдөрдү же делегаттарды бекитилген квотага ылайык аныкталышын уюштуруу жана координациялоо үчүн жумушчу топтун курамы 1-тиркемеге ылайык бекитилсин.

5.    Жергиликтүү коомдоштуктун жыйынынын өкүлдөрүнүн саны жана квотасы тиешелүү аймакта жашаганкалкынын санына жараша 2-тиркемеге ылайык гендердик балансты сактоо менен пропорционалдуу шайлансын.

6.    Эсеналы Дайракунов айыл аймагында бөлүнгөн бөлүктөр боюнча жергиликтүү коомдоштуктун жыйындарын өткөрүү 2025-жылдын 20-октябрынан 22-октябрына чейин белгиленсин 3-тиркемеге ылайык.

7.    Айыл аймактарда бөлүнгөн бөлүктөрдө өткөрүлгөн жарандардын жыйындарынын протоколдорун жана өкүлдөрдүн тизмесин жалпылоо 2025-жылдын 28-октябрына чейин деп белгиленсин.

8.    Жергиликтүү коомдоштуктардын жыйынына же курултайына катышуучуларынын тизмесин тактоо, сапаттык жана тармактык курамы боюнча маалымат даярдоо, ошондой жыйындын күн тартибинин долбоорун 2025-жылдын 30-октябрына чейин даярдалсын.

9.    Кезектеги IV Элдик Курултайдын делегаттарын шайлоо боюнча жергиликтүү коомдоштуктардын жыйынын өткөрүү 2025-жылдын 1-ноябры (ишемби) деп белгиленсин 4-тиркеме ылайык.

10. Кезектеги IV Элдик Курултайдын делегаттарынын тизмелерин, шайлоо тууралуу протоколду, делегаттардын толтурулган анкеталарын жана делегаттардын тиешелүү документтерин райондук уюштуруу комитетине  2025-жылдын 3-ноябрына чейин  жөнөтүлсүн.  

11. Ушул токтом каттоодон өткөрүлүп, https://zhergetal.gov.kg/ веб-сайтына жарыялансын жана Кыргыз Республикасынын ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн.

12. Бул токтомдун аткарылышын көзөмөлдөө жагын өзүмө калтырамын.

Эсеналы Дайракунов айыл аймагынын айылдык кеңешинин XXIХ  чакырылышынын XIII кезексиз сессиясынын 2025-жылдын 15-октябрындагы №13/1 токтомуна 1-тиркеме

Айыл аймагында бөлүнгөн бөлүктөр боюнча жыйындардын өткөрүлүшүн, ал жыйындардан жергиликтүү коомдоштуктун жыйындарына же курултайына өкүлдөрдү же делегаттарды бекитилген квотага ылайык аныкталышын уюштуруу жана координациялоо үчүн жумушчу топтун курамы