ДАТКА АЙЫЛ АЙМАГЫНЫН КЕӉЕШИ

ТОКТОМ

Датка айылдык аймак кеңешинин VIII чакырылышынын кезектеги 17-сессиясы

2026-жылдын 08-июлу  №6/17

Датка айыл аймагынын Падаван айылындагы №213 контурдагы аянты 2,5 га жер тилкесин трансформациялоо үчүн айыл чарба жоготууларын компенсациялоонун суммасын бекитүү жөнүндө

Кыргыз Республикасынын 2021-жылдын 20-октябрындагы №123 "Жергиликтүү мамлекеттик администрация жана жергиликтүү өз алдынча башкаруу органдары жөнүндө" Мыйзамынын 34-беренесинин "айылдык аймактардын, шаарлардын жергиликтүү кеңештеринин ыйгарым укуктары" 2-пунктун жетекчиликке алып, Датка айыл өкмөтүнүн башчысынын (2026-ж. 30-июнудагы кир. №01-13/604) сунушун эске алып талкулап, Датка айыл аймагынын айылдык кеңешинин VIII чакырылышынын кезексиз ХVII сессиясы

Токтом кылат:

1. Датка айыл аймагынын Падаван айылындагы №213 контурдагы аянты 2,5 га жер тилкесин трансформациялоо үчүн айыл чарба жоготууларын компенсациялоонун суммасын 6 727 050 сом бекитилсин;

2. Бул токтомдун аткарылышы Датка айыл өкмөтүнүн ФЭБ бөлүмүнүн башчысы М.Тажиковага жүктөлсүн;

3. Бул токтом кол койгондон тартып күчүнө кирет;

4. Бул токтомду Датка айыл аймагынын айыл өкмөтүнүн www.datka-kara-suu. gov.kg сайтында жарыялоо жагы Датка айыл аймагынын айылдык кеңешинин жооптуу катчысы К.Курбановко жүктөлсүн;

5. Бул токтомду Кыргыз Республикасынын Юстиция органынын каттоодон өткөрүү иштери Датка айыл аймагынын айылдык кеңешинин жооптуу катчысы К.Курбановко жүктөлсүн;

6. Ушул токтомдун аткарылышын көзөмөлгө алуу жагы айылдык Кеңештин бюджет жана финансы боюнча туруктуу комиссиясына тапшырылсын.