А.МИРМАХМУДОВ АЙЫЛДЫК КЕҢЕШИ

ТОКТОМ

А.Мирмахмудов айылдык кеңешинин VIII чакырылышынын депутаттарынын кезексиз 11-сессиясы

2025-жылдын 9-октябры № 11-7

А.Мирмахмудов атындагы айыл өкмөт башчысынын орун басары тарабынан берилген сунуш катын кароо жөнүндө

 А.Мирмахмудов атындагы айыл өкмөт башчысынын орун басары тарабынан 2025-жылдын 9-октябрындагы №214 сандуу сунуш каты берилип, тендерлерден үнөмдөлгөн каражаттар эсебинен айыл өкмөт имаратынын алдындагы узундугу 265м, туурасы 11м болгон көчөнү асфальтка даярдоо жана асфальт төшөө максатында каражат бөлүп берүүнүн суранган.  Жогорудагы маселени кароо максатында А.Мирмахмудов айылдык кеңешинин депутаттарынын  бюджет, экономика, муниципалдык менчик, инвестиция, ишкердик жана тышкы экономикалык байланыш боюнча  комитетинин отурумунда каралган протоколунун, Кыргыз Республикасынын “Жергиликтүү мамлекеттик администрациясы жана жергиликтүү өз алдынча башкаруу органдары жөнүндө” мыйзамынын 34-беренесинин талаптарына таянып,  А.Мирмахмудов айылдык кеңешинин кезексиз сессиясы

                                                   Т О К Т О М   К Ы Л А Т:                                           

1. А.Мирмахмудов атындагы айыл өкмөт башчысынын орун басары тарабынан 2025-жылдын 9-октябрындагы берилген №214 сандуу сунуш каты канааттандырылсын.
2. Тендерлерден үнөмдөлгөн каражаттар эсебинен айыл өкмөт имаратынын алдындагы узундугу 265м, туурасы 11м болгон көчөнү асфальтка даярдоо жана асфальт төшөөгө тиешелүү иш кагаздарын даярдап, “Мамлекеттик сатып алуулар” жөнүндөгү мыйзамынын  негизинде каржылансын.
3. Ажыратылган акча каражаттарын мыйзам чегинде бөлүм жана беренелерге отургузуп, камсыздоо жагы айыл өкмөтүнүн  бөлүм башчысы Ували уулу Тынычбекке жана айыл өкмөт башчысынын орун басары Дилмурат Абдурахмановко милдеттендирилсин.
4. Токтомдун аткарылышын көзөмөлдөө жагы айылдык кеңешинин бюджет, экономика, муниципалдык менчик, инвестиция, ишкердик жана тышкы экономикалык байланыш боюнча комиссиясына тапшырылсын.