А.МИРМАХМУДОВ АЙЫЛДЫК КЕҢЕШИ

ТОКТОМ

А.Мирмахмудов айылдык кеңешинин VIII чакырылышынын депутаттарынын кезексиз 11-сессиясы

2025-жылдын 9-октябры № 11-14

А.Мирмахмудов атындагы айыл өкмөт башчысынын 2025-жылдын 8-октябрындагы №215 сандуу катын кароо жөнүндө

 А.Мирмахмудов айылдык кеңешине, Ноокат райондук РИИБнын башчысы, милициянын подполковниги Ж.Ы.Орозбаев тарабынан, Ноокат райондук ички иштер бөлүмүнө КРнын ички иштер министрлиги тарабынан  Ноокат РИИБсүнүн имаратын куруу үчүн жер аянтын ажыратып берүү жөнүндөгү 08.10.2025-жылдагы №22-2/6488 сандуу сунуш катын карап, Барын айылында жайгашкан №2169, №2168 контурларынан баары болуп 0,50га жер аянтын бөлүп берүүнү суранып, А.Мирмахмудов атындагы айыл өкмөт башчысы 2025-жылдын 8-октябрында №215 сандуу сунуш каты менен кайрылган. Аталган маселени чечүүдө А.Мирмахмудов айылдык кеңешинин Мыйзамдуулукту укуктук тартибин сактоо, жарандардын укугун жана кызматчылыгын кароо, архитектура, курулуш, транспорт жана саламаттыкты сактоо боюнча комитетинин макулдугу менен Кыргыз  Республикасынын «Жергиликтүү мамлекеттик администрация жана жергиликтүү өз алдынча  башкаруу органдары жөнүндө» мыйзамынын 34-беренесинин талаптарына таянып, А.Мирмахмудов  айылдык кеңешинин кезексиз  11-сессиясы 

                                                Т О К Т О М  К Ы Л А Т:

1. Кыргыз Республикасынын 2025-жылдын 18-июлунда кабыл алынган “Жер кодексинин” 14-бөлүмүнүн талаптарына ылайык, Барын айылында жайгашкан №2169, №2168 контурларынан 0,50га жер аянтын ээлеп турган үлүш ээлеринин макулдугу менен Чапаев айылында жайгашкан мамлекеттик фондусунун жерлер тизимине кирген №2710 контуруна жылдырылсын.
2. Аталган жер аянтын “Айыл чарба жерлери” категориясынан, “Калктуу конуштун жерлери” категориясына которуу боюнча мамлекеттик тиешелүү органдарга кайрылуу айыл өкмөт башчысы М.Нурматовго тапшырылсын.
3. Ушул токтомдун аткарылышын  көзөмөлдөө  А.Мирмахмудов атындагы  айылдык  кеңешинин «Мыйзамдуулукту укуктук тартибин сактоо, жарандардын укугун жана кызматчылыгын кароо, архитектура, курулуш, транспорт жана саламаттыкты сактоо» боюнча      туруктуу  комитетине жүктөтүлсүн.