КЫРГЫЗ РЕСПУБЛИКАСЫНЫН КУРУЛУШ, АРХИТЕКТУРА ЖАНА ТУРАК ЖАЙ-КОММУНАЛДЫК ЧАРБА МИНИСТРЛИГИНИН
БУЙРУГУ
2026-жылдын 27-октябры № 136-нпа
Кыргыз Республикасынын Министрлер Кабинетине караштуу Архитектура, курулуш жана турак жай-коммуналдык чарба мамлекеттик агенттигинин 2024-жылдын 26-ноябрындагы № 82-чуа «Кыргыз Республикасынын аймагында шаар куруу, долбоорлоо-изилдөө иштери жана курулуш-монтаждоо иштери чөйрөсүндөгү чет мамлекеттер тарабынан берилген, бир тараптуу тартипте таанылуучу лицензиялардын тизмесин бекитүү жөнүндө» буйругуна өзгөртүүлөрдү киргизүү жөнүндө
«Кыргыз Республикасынын ченемдик укуктук актылары жөнүндө» Кыргыз Республикасынын мыйзамынын 12 жана 17-беренелерине, «Кыргыз Республикасындагы лицензиялык-уруксат берүү тутуму жөнүндө» Кыргыз Республикасынын Мыйзамынын 27-беренесинин 3-бөлүгүнө, Кыргыз Республикасынын Министрлер Кабинетинин 2023-жылдын 14-декабрындагы № 678 токтому менен бекитилген «Иштин айрым түрлөрүн лицензиялоо жөнүндө» жобонун 3 жана 12-пункттарына ылайык, Кыргыз Республикасынын Министрлер Кабинетинин 2023-жылдын 3-мартындагы № 115 токтому менен бекитилген, Кыргыз Республикасынын мамлекеттик органдарына жана жергиликтүү өз алдынча башкаруунун аткаруу органдарына өткөрүп берилген Кыргыз Республикасынын Министрлер Кабинетинин айрым ченем жаратуу ыйгарым укуктарынын тизмесинин 20-пунктунун 1-пунктчасын жана Кыргыз Республикасынын Министрлер Кабинетинин 2025-жылдын 22-апрелиндеги № 221 токтому менен бекитилген «Кыргыз Республикасынын Курулуш, архитектура жана турак жай-коммуналдык чарба министрлиги жөнүндө» (мындан ары – Курулуш министрлиги) жобону жетекчиликке алып, буйрук кылам:
1. Кыргыз Республикасынын Министрлер Кабинетине караштуу Архитектура, курулуш жана турак-жай коммуналдык чарба мамлекеттик агенттигинин 2024-жылдын 26-ноябрындагы № 82-чуа «Кыргыз Республикасынын аймагында шаар куруу, долбоорлоо-изилдөө иштери жана курулуш-монтаждоо иштери чөйрөсүндөгү чет мамлекеттер тарабынан берилген, бир тараптуу тартипте таанылуучу лицензиялардын тизмесин бекитүү жөнүндө» буйругуна төмөнкүдөй өзгөртүү киргизилсин:
Шаар куруу, долбоорлоо-изилдөө жана курулуш-монтаждоо иштеринин чөйрөсүндө Кыргыз Республикасынын аймагында бир тараптуу тартипте таанылуучу, чет мамлекеттер тарабынан берилген лицензиялардын жогоруда аталган буйрук менен бекитилген Тизмесинде:
Жогоруда аталган буйрук менен бекитилген Кыргыз Республикасынын аймагында шаар куруу, долбоорлоо-изилдөө иштери жана курулуш-монтаждоо иштери чөйрөсүндөгү чет мамлекеттер тарабынан берилген, бир тараптуу тартипте таанылуучу лицензиялардын тизмеси төмөнкүдөй мазмундагы 49,50,51,52,53-пунктар менен толукталсын:
«
49 | ЖЧК «Кытай темир жол корпорациясы № 2» | Кытай Эл Республикасы | Сычуань провинциясы, Чэнду шаары, Цзиньню району, Тунцзинь көчөсү, 16-үй. | Курулуш-монтаждоо иштери | Бирдиктүү социалдык кредиттик коду: 91510100МА61RKR7X3 |
50 | «Теянь» курулушка көзөмөл жүргүзүү боюнча Пекин жоопкерчилиги чектелген коому | Кытай Эл Республикасы
| Кытай Эл Республикасынын Пекин шаарынын Дасин району, Хунъе чыгыш көчөсү, 60-короо, 5-корпус, 7-кабат, 701-бөлмө. | Курулуш-монтаждоо иштери | Бирдиктүү социалдык кредиттик коду: 911101151028521834 |
51 | ЖЧК «КЖД долбоорлоо корпорациясы » | Кытай Эл Республикасы | Тяньцзинь эркин соода эксперименталдык аймагы (Аэропорттун экономикалык аймагы), Дунци көчөсү, 109. | Курулуш-монтаждоо иштери | Коомдук кредиттик жөндөмдүүлүктүн бирдиктүү коду: 91120000103062810U |
52 | Кытай темир жол курулушу боюнча электр-техникалык инвестициялык-курулуш компаниясы | Кытай Эл Республикасы | Пекин шаарынын Фэнтай району, Чыгыш автомобиль музейи көчөсү, 10-короо, 3-корпус, 7-кабат, 701-бөлмө. | Курулуш-монтаждоо иштери | Бирдиктүү социалдык кредиттик коду: 91110108567412380H |
53 | «Кытай темир жол туннелдер тобу» жоопкерчилиги чектелген коому | Кытай Эл Республикасы | Гуанчжоу шаары, Наньша району, Минчжу булуңу, Цибу аймагы, 4-өнөр жай көчөсүнүн батыш тарабы, 2-жеке номери (кызматтык тейлөө үчүн гана) (өз алдынча декларациялоо) (MZ). | Курулуш-монтаждоо иштери | Коомдук кредиттик жөндөмдүүлүктүн бирдиктүү коду: 91410300171075680N |
».
2. Лицензиялоо жана сертификациялоо башкармалыгы:
1) Кыргыз Республикасынын Өкмөтүнүн 2010-жылдын 26-февралындагы № 117 «Кыргыз Республикасынын ченемдик укуктук актыларын расмий жарыялоо булактары жөнүндө» буйругуна ылайык ушул буйрукту расмий жарыялоо боюнча чараларды көрсүн;
2) расмий жарыяланган күндөн тартып үч жумушчу күндүн ичинде ушул буйруктун көчүрмөсүн мамлекеттик жана расмий тилдерде эки нускада, кагаз жүзүндө жана электрондук түрдө, аталган буйруктун жарыяланган булагын көрсөтүү менен Кыргыз Республикасынын Юстиция министрлигине ченемдик укуктук актылардын мамлекеттик реестрине киргизүү үчүн жана Кыргыз Республикасынын Президентинин Администрациясына маалымат үчүн жөнөтсүн.
3. Бул буйруктун аткарылышын контролдоо министрдин биринчи орун басары Б.Ч. Чолпонбаевге жүктөлсүн.
4. Бул буйрук расмий жарыяланган күндөн тартып жети күн өткөндөн кийин күчүнө кирет жана «Кытай - Кыргызстан – Өзбекстан» темир жолунун курулушу боюнча долбоорду ишке ашыруу аяктаганга чейин колдонулат.