ЖООШ АЙЫЛДЫК КЕӉЕШИ

ТОКТОМ

Жоош айылдык Кеңешинин (5-чакырылышы) кезектеги XII сессиясы

2014-жылдын 29-ноябры № 12/4

“Жоош айыл өкмөтүнүн аймагындагы элдик каада-салттардын, үрп-адаттардын, ыксыз чыгымдарды кыскартуу боюнча жүргүзүлүп жаткан иш-чаралардын аткарылышы жөнүндө”

Жоош айыл өкмөтүнүн аймагындагы элдик каада-салттардын, үрп-адаттардын, ыксыз чыгымдарды кыскартуу боюнча жүргүзүлүп жаткан иш-чаралардын аткарылышы жөнүндө Жоош айыл өкмөтүнүн аялдар кеңешинин төрайымы П.Мавлянованын билдирүүсүн угуп жана талкуулап Жоош айылдык Кенешинин V-чакырылыш кезектеги ХII -сессиясы

ТОКТОМ КЫЛАТ:

1. Жоош айыл өкмөтүнүн аймагындагы элдик каада-салттардын, үрп-адаттардын, ыксыз чыгымдарды кыскартуу боюнча жүргүзүлүп жаткан иш-чаралардын аткарылышы канааттандырарлык деп белгиленсин.

2. Эл арасында элдик каада-салттарды, үрп-адаттарды өткөрүүдө кетирилип жаткан ыксыз чыгымдарды кыскартуу боюнча коомдук уюмдар, дин кызматкерлери, активтер, депутаттар менен бирдикте түшүндүрүү иштери жүргүзүлсүн.

3. Айылдарда ашыкча чыгымдарды, каада-салттарды кыскартуу боюнча комиссия түзүлсүн жана токтомдун 2-пунктунда көрсөтүлгөн уюмдар токтомдун аткарылышын көзөмөлгө алышсын.

4. Бул  токтомдун аткарылышын көзөмөлдөө мыйзамдуулук, мандат укук, дин иштери, инвестиция тартуу, долбоорлор менен иштөө жана депутаттык этика боюнча туруктуу комиссиясына жүктөлсүн.