АК-МУЗ АЙЫЛДЫК КЕӉЕШИ

ТОКТОМ

Ак-Муз айылдык Кеңешинин сессиясы

2016-жылдын 18-марты № 37/4

Ак-Муз айыл аймагынын ички тартип эрежелерин бекитүү жөнүндө

Ак-Муз айыл аймагынын айыл өкмөтүнүн жер жана турак жай адиси Э. Алымкуловдун билдирүүсүн угуп жана талкуулап, Ак-Муз айыл аймагынын айылдык Кеңеши

ТОКТОМ КЫЛАТ:

1. Ички жайытка мал көчүү 1-майынан 30-майына чейин, алыскы жайытка көчүү 20-майынан 10-июнга чейин, алыскы жайыттан көчүп келүү 1-октябрдан эрте эмес мөөнөткө белгиленсин;

2. 2016-жылдын 1-майынан баштап дыйкандардын үлүш жерлерине корук уюштуруу жер ээлерине милдеттендирилсин, эгер эки корукчу чыгып калса айлык акысы айыл өкмөтүнүн бюджетинен төлөнүп берилсин;

3. Корук уюштурууга айыл өкмөтү көмөк көрсөтсүн;

4. 2016-жылдын 1-майынан баштап бада чыгып, баданын уйларына белги салынсын, бадага субай уй алып калууга тыюу салынсын;

5. Ички жайыттагы сарай ээлерине 2-ат, 1-5 чейин саан уй, 10 кой-эчкиден мал алып калууга уруксаат берилсин;

6. Чаар-Айгырдан Көк-Күмбөзгө чейин сарайда ашык мал алып калып, убагында көчпөгөн жарандарга майда жандыкка 150 сом, бодого 250 сомдон штраф салынсын;

7. Камакка түшкөн малды ээсине билдирүү берилгенден кийин 8 сааттын ичинде ээси чыгарып кетпей өлүп калса мал төлөнбөйт, камакка түшкөн малга түрүнө карабастан акчалай 200 (жүз) сом айып салынсын;

8. Айыл тургундары үй-тиричилигине керектүү малдан ашык мал алып калган, жайыттарга көчүү, конуу эрежелерин жана мөөнөтүн сактабаган малчыларга жана бада кайтаруу тартибин бузкан жарандарга, айыл өкмөтүнүн уставынын 11-беренесинин 1-2 пункттарына жана Кыргыз Республикасынын административтик жоопкерчилик тууралуу кодексинин 17-беренесинин 185-186-193-статьяларына ылайык жоопко тартылаары эскертилсин;

9. Ушул токтом айыл өкмөтүнүн аппаратынан каттоодон өткөрүлүп, www. ak-muz. kg веб- сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн.

10. Бул токтомдун аткарылышын көзөмөлдөө айыл өкмөтүнүн башчысы А.Капатовго тапшырылсын.