АК-КЫЯ АЙЫЛДЫК КЕӉЕШИ

ТОКТОМ

Ак-Кыя айылдык Кеңешинин 6-чакырылышынын кезексиз 4- сессиясы

2017-жылдын 3-апрели № 4/7

Нарын облусунун Кочкор районунун Ак-Кыя айыл аймагынын калктуу конуштарынын чек араларын белгилөө долбоорун бекитүү жөнүндө

Ак-Кыя айылдык аймагынын 2016 -жылынын аяк оона айынын 14-дөгү №142 Ак-Кыя айылдык аймагынын калктуу конуштарынын чек араларын белгилөө долбоорун тактоо боюнча түзүлгөн буйругунун негизинде, «Кыргызмамжердолбоорлоо» мамлекеттик институтунун Республикалык топурак агрохимиялык станциясы даярдаган Ак-Кыя айылдык аймагынын калктуу конуштарынын чек араларын белгилөө долбоору боюнча материалдарын карап чыгып, Жер Кодексинин 18-беренесинин 4-пунктуна ылайык Ак-Кыя айылдык Кеңеши

ТОКТОМ КЫЛАТ:

1. Кочкор районун Ак-Кыя айыл аймагынын Жаны-Жол, Кара-Суу калктуу конуштарынын чек араларынын белгилөө долбоору боюнча ”Кыргызмамжердолбоорлоо” мамлекеттик институтунун Республикалык топурак агрохимиялык станциясы тарабынан даярдалган материалдары жактырылсын жана бекитилсин.

2. Ак-Кыя айыл аймагынын Жаны-Жол, Кара-Суу калктуу конуштарынын чек араларын белгилөө долбоору боюнча ”Кыргызмамжердолбоорлоо” мамлекеттик институнун Республикалык топурак агрохимиялык станциясы тарабынан даярдалган материалдары Кочкор райондук мамлекеттик администрациясына бекитүүгө сунушталсын

3. Бул токтомдун аткарылышы Ак-Кыя айыл аймагынын айыл өкмөт башчысы З.Исираиловко милдеттендирилсин.