БАШ-КУУГАНДЫ АЙЫЛДЫК КЕҢЕШИ

ТОКТОМ 

Баш-Кууганды айылдык Кеңешинин XVII чакырылышынын кезексиз 11-сессиясы

2018-жыл 03-март № 17-11/1

Кыргыз Республикасынын салык кодексинин 337-беренесинин 6-пунктуна ылайык айыл чарба багытындагы жер салыгынын базалык ставкасын көтөрүү жөнүндө

Кыргыз Республикасынын салык кодексинин 337-беренесинин 6-пунктуна ылайык Баш-Кууганды айыл аймагынын айыл өкмөтүнүн айыл чарба багытындагы жер салыгынын базалык ставкасын көтөрүү максатында Баш-Кууганды айыл аймагынын айылдык Кенешинин XVII чакырылыштагы кезексиз он биринчи сессиясы

ТОКТОМ КЫЛАТ:

1. Кыргыз Республикасынын салык кодексинин 337-беренесинин 6-пунктуна ылайык 01.01.2018-жылдан баштап айыл өкмөтүнүн айыл чарба багытындагы сугат, кайрак жерлердин жер салыгы 1,5 эсеге көтөрүлсүн.

2. Бул токтом айыл өкмөтү аркылуу каттоодон өткөрүлүп, www.jumgal.kg веб-сайтына жарыялансын жана Кыргыз Республикасынын Ченемдик укуктук актыларынын мамлекеттик реестрине киргизүү үчүн Нарын облусунун юстиция башкармалыгына жөнөтүлсүн.

3. Ушул токтомдун аткарылышына камсыз кылуу жагы Баш-Кууганды айыл аймагынын айыл өкмөтүнүн башчысы Р.Жумуковго тапшырылсын.