ТоктомКүчүндө

Кара-Көл шаардык кеңешинин 2018-жылдын 15-майындагы № 89/18-7 «Кара-Көл шаарынын 2018-2023-жылдар аралыгындагы социалдык-экономикалык өнүгүүсүнүн программасын бекитүү жөнүндө» токтому

Номер: № 89/18-7
Кабыл алынган дата: 15 мая 2018 года
Расмий жарыялоо: 21 мая 2018 года
Реестрге киргизилген: 29 мая 2018 года
Чыгарган: Кара-Көл шаардык кеңеши
Жрыялоо булагы: www.gorkenesh-karakul.kg
Документтин коду: 408766

Бул документ жөнүндө суроо

Минюсттун расмий барагы

КАРА-КӨЛ ШААРДЫК КЕӉЕШИ

ТОКТОМ

2018-жылдын 15-майы № 89/18-7

“Кара-Көл шаарынын 2018-2023-жылдар аралыгындагы социалдык-экономикалык өнүгүүсүнүн программасын бекитүү жөнүндө”

Кара-Көл шаарынын мэри И.М.Еркеевдин 02.05.2018-жылдагы чыгыш №05-15/962 сандуу кайрылуу катынын негизинде Кыргыз Республикасынын Өкмөтүнүн 2017-жылдын 31-мартындагы №194 “2018-2020-жылдар мезгилинде Кыргыз Республикасынын региондук саясатынын концепциясын бекитүү жөнүндө” токтомун ишке ашыруу максатында Кара-Көл шаарынын 2018-2023-жылдар аралыгындагы социалдык-экономикалык өнүгүүсүнүн программасын шаардык кеңештин туруктуу комиссиялары карап, талкуулап чыгып Кара-Көл шаардык кеңешинин кезексиз XVIII сессиясы

ТОКТОМ КЫЛАТ:

Кара-Көл шаарынын 2018-2023-жылдар аралыгындагы социалдык-экономикалык өнүгүүсүнүн программасы 1-тиркемеге ылайык бекитилсин.
Бул токтомдун аткарылышын камсыз кылуу шаардык мэрияга (И.М.Еркеев), ал эми көзөмөлдөө шаардык, кеңештин өндүрүш, курулуш, архитектура, турак-жай, коммуналдык чарба, муниципалдык менчик жана жер маселелери, инвестиция боюнча туруктуу комиссиясына (А.О.Тайчабаров), бюджет, экономика жана финансы маселелери боюнча туруктуу комиссиясына (А.К.Чаргынов), социалдык комиссиясына (Ж.С.Джуробаевге), мандат, регламент, этика, укуктук маселелери жана коомдук уюмдар, партиялар менен иштөө, идеология, дин иштери боюнча туруктуу комиссиясына (У.С.Эшенкулов) жүктөлсүн.

Төраганын орун басары:

К.Д.Батыркулов

Тиркеме 1

БЕКИТИЛДИ:

Кара-Көл шаардык кеңешинин

15.05.2018 №89/18-7 токтому менен

КЫРГЫЗ РЕСПУБЛИКАСЫ

ЖАЛАЛ-АБАД ОБЛАСТЫ

КАРА-КӨЛ ШААРЫ

КАРА-КӨЛ ШААРЫНЫН 2018-2023-ЖЫЛДАР АРАЛЫГЫНДАГЫ СОЦИАЛДЫК-ЭКОНОМИКАЛЫК ӨНҮГҮҮСҮНҮН

ПРОГРАММАСЫ

Кара-Көл шаары, 2018-жыл

Мазмуну

Кара-Көл шаарынын шаар Кеңешинин төрагасынын жана мэринин шаар тургундарына кайрылуусу	3
Кириш сөз	4
1. Муниципалитеттеги учурдагы абалды талдоо	4
Шаардын өнүгүү факторлору	4
Георграфиялык жана жаратылыштык-климаттык фактор	4
Ресурстук фактор	6
Инфраструктуралык фактор	11
Экономикалык фактор	11
Саясий фактор	12
Потенциалдуу максаттуу топторду талдоо	12
Максаттуу топтордун аталышы	12
Демографиялык мүнөздөмөлөр	13
Жардамга муктаж болушкан максаттуу топтор	14
Шаардын өнүгүүсүнүн келечектеги элеси	15
Артыкчылыктуу өнүгүү багыттары	15
Кара-Көл шаарында салттуу энергетиканы жана жашыл технологияларды өнүктүрүү	15
Кара-Көл шаарында гидроэнергетика жана курулуш адистерин даярдоочу окуу өндүрүштүк борборун ачуу	15
Кара-Көл шаарындагы ААК “Завод Достук” заводунун өндүрүү багытын альтернативдүү энергия чыгаруучу жабдууларды жасап чыгарууга өзгөртүү	16
Кара-Көл шаарында стратегиялык автомагистралда жүк ташуучулар жана жүргүнчүлөр үчүн комплекстүү кызмат көрсөтүү базасын уюштуруу	16
Шаар тургундарына, меймандарына жыл бою коопсуз, ыңгайлуу, ыңгайлуу, маданияттуу,экологиялык эс алуу шарттарын жаратуу	17
Жазы-Кечүү аймактык башкармалыгынын территориясында Этно-центрди куруу	17
Муниципалдык “Кайыңды” балдар эс алуу борборунун базасында кышкы эс алуу базасын уюштуруу	18
Кара-Көл шаарында күрөш залын (комплекстүү) куруу	18
Билим берүү, калкка кызмат көрсөтүү тармагында альтернативдик ыкмаларды пайдаланууга шарт түзүү аркылуу шаарда калкка кызмат көрсөтүүнүн, билим берүүнүн сапатын жакшыртуу	19
Балдардын лабораториялык,тереңдетилген окуу борборун уюштуруу	19
Жеке менчик балдар бакчасын уюштуруу	19
Толук бүтпөй калган муниципалдык базарды ишке киргизүү боюнча жеке ишкерлер арасында конкурс уюштуруу	20
Жарандардын активдүүлүгүн жогорулатуу, социалдык колдоонун натыйжалуулугун арттыруу	20
Жашы улгайган адамдар үчүн күндүзгү калыбына келтирүү борборун уюштуруу	21
“Жергиликтүү идеяларды колдоо” шаардык фондун түзүү	21
Бюджеттик саясат	22
Мониторинг жана баалоо системасы	23
Шаарды өнүктүрүү программасынын форматы	24

Кара-Көл шаарынын мэринин, шаардык Кеңештин төрагасынын шаардын тургундарына кайрылуусу

Урматтуу мекендештер, урматтуу шаарыбыздын тургундары!

Кара-Көл шаарынын мэриясы жана шаардык Кеңешинин депутаттары Кара-Көл шаарынын 2018-2023-жылдар аралыгындагы Социалдык-экономикалык өнүгүүсүнүн Сиздерге сунушталып жаткан программасын иштеп чыгып, бекитти.

Программанын иштелип чыгуусу 2017-жылы эл менен жолугушуудагы элдин суроо-талаптары эске алынып, өндүрүш, бизнес, билим берүү, саламаттыкты сактоо, маданият, спорт ж.б. чөйрөлөрүнүн өкүлдөрүнөн турган калктын топторунун катышуусу менен болуп өткөн.

Бул программада биз биринчи кезекте чечилүүсү өтө бат болуусун талап кылган күнүмдүк көйгөйлөрдү гана чагылдырбастан, шаардыктардын өнүгүүгө болгон умтулуусун да чагылдырууга аракет кылдык. Программанын көңүлүнүн борборунда Кара-Көл шаарынын жергиликтүү өзүн-өзү башкаруу органдарынын шаардыктардын жашоонун түрдүү чөйрөлөрүндөгү демилгелерин ишке ашыруу үчүн шарттарды камсыз кылууга болгон каалоосу орун алган. Бул шарттар түзүлгөн күндө шаардын өзү да өнүгүүгө багыт алат, жаңы иш орундар пайда болот, калктын кирешеси өсөт, а демек биздин шаарыбыздын бюджети да өсөт. Ушундай шарттарда гана биз шаарыбыздын экономикасынын туруктуу өсүүсүн камсыз кыла алабыз, мунун натыйжасында жолдорду оңдоого, ичүүчү суу менен камсыз кылууга, канализациялардын ишин жакшыртууга, эс алуу жайларыбызды замандын талабына ылайык келтирүүгө каражаттарды жаратабыз.