ТОКМОК ШААРДЫК КЕҢЕШИ

ТОКМОК ШААРДЫК КЕҢЕШИНИН IV ЧАКЫРЫЛЫШЫНЫН КЕЗЕКСИЗ XXIII СЕССИЯСЫ

2018-жылдын 4-июлу № 150/23-4

«Токмок Жылуулук» муниципалдык ишканасын «Кыргызжылуулукэнерго» мамлекеттик ишканасынын балансына өткөрүп берүүгө макулдук берүү жөнүндө

2018- жылдын 27- июндагы № 989/1-4 Токмок шаарынын мэрининин «Токмок Жылуулук» муниципалдык ишканасын «Кыргызжылуулукэнерго» мамлекеттик ишканасынын балансына өткөрүп берүүгө макулдук берүү жөнүндө кайрылуусунун негизинде, «Жергиликтүү өз алдынча башкаруу жөнүндө» жана «Жергиликтүү кеңештердин депутаттарынын статусу жөнүндө» Мыйзамдарын жетекчиликке алуу менен Токмок шаардык кеңеши,

ТОКТОМ КЫЛАТ:

1. Муниципалдык ишкананын абоненттери зарыл болгон жылуулук менен камсыз кылынат деген кепилдик берүү шарты менен «Токмок Жылуулук» муниципалдык ишканасын «Кыргызжылуулукэнерго» мамлекеттик ишканасынын балансына өткөрүп берүүгө макулдук берилсин.

2. Бул токтомдун аткарылышына көзөмөлдүк жүргүзүү өнөр жай, курулуш, архитектура, транспорт жана коммуналдык-турак жай кызматтары боюнча туруктуу депутаттык комиссиясына жүктөлөт.