КЫЗЫЛ-ӨЗГӨРҮШ АЙЫЛДЫК КЕҢЕШИ

ТОКТОМ 

Кызыл-Өзгөрүш айылдык Кеңешинин VIII чакырылышынын кезексиз IX сессиясы

2018-жылдын 01-октябры № 91

Токтогул районунун атайын эсеп дирекциясынан 2018-жыл үчүн бөлүнүүчү Чеч-Дөбө, Опоз айылдарына таза суу чыгарууга бөлүнө турган каражатты кайрадан бөлүштүрүү жөнүндө

Кызыл-Өзгөрүш айылдык Кеңешинин VIII чакырылышынын кезексиз IX сессиясы

ТОКТОМ КЫЛАТ:

1. Токтогул районунун атайын эсеп дирекциясынан 2018-жыл үчүн бөлүнүүчү Чеч-Дөбө, Опоз айылдарына таза суу чыгарууга бөлүнгөн 3270,0 миң сом акча каражатын 2900,0 миң сомун Ак-Жар айылындагы Чоңко участкасындагы баардык документациялары бүткөрүлгөн ФАП тын курулушуна бөлүү жагы суралсын.

2. Калган 370,0 миң сом акча каражатын Чеч-Дөбө, Опоз айылдырына таза суу чыгаруу үчүн документацияларын бүткөрүүгө калтырылсын.

3. Токтогул районунун атайын фонд дирекциясынан каражатты бөлдүрүү, ФАПтын курулушун баштоо, Чеч-Дөбө, Опоз айылдарына таза суу чыгаруу үчүн документацияларын бүткөрүү жагы Кызыл-Өзгөрүш айыл аймагынын айыл өкмөт башчысына жүктөлсүн.

4. Бул токтом www.kyzyl-ozqorush.kg сайтына жарыяланган күндөн тартып мыйзамдуу күчүнө кирет.

5. Токтом мамлекеттик тилде гана кабыл алынды.