Төрага

Г.Каналиева

 Статистикалык маалыматтарды жыйноо боюнча жергиликтүү өз алдынча башкаруу органдарына айрым мамлекеттик ыйгарым укуктарды берүү жөнүндө

ТИПТҮҮ КЕЛИШИМ

1.1 Кыргыз Республикасынын Улуттук статистика комитетинин Ак-Талаа райондук мамлекеттик стаисмтика бөлүмүнүн атынан мындан ары "мамлекеттик статистика органы" деп аталуучу Ак-Талаа райондук мамлекеттик статистика бөлүмү жөнүндө” жобонун негизинде иштеген Карасартов Сүйүндүк Эсенгулович биринчи тараптан жана Кара-Бүргөн айыл аймагынын айыл өкмөтүнүн атынан Кара-Бүргөн айыл аймагынын айыл өкмөтүнүн жобосунун негизинде иштеген Соодонбеков Нурбек Келдибекович экинчи тараптан

Кыргыз Республикасынын Конституциясын, "Жергиликтүү өз алдынча башкаруу жөнүндө" жана "Жергиликтүү өз алдынча башкаруу органдарына айрым мамлекеттик ыйгарым укуктарды берүүнүн тартиби жөнүндө" Кыргыз Республикасынын мыйзамдарын жетекчиликке алуу менен төмөнкүлөр тууралуу ушул келишимди түзүштү.

2. Келишимдин шарттары

2.1 Кыргыз Республикасынын Өкмөтүнүн 19.12.2014-ж. №715 токтомуна ылайык

Ак-Талаа райондук мамлекеттик статистика бөлүмү Кара-Бүргөн айыл аймагынын айыл өкмөтүнө статистикалык маалыматтарды жыйноо боюнча төмөнкү мамлекеттик ыйгарым укуктарды берет:

1) үстүбүздөгү жылдын түшүмү үчүн себүү жөнүндө;

2) жазгы талаа иштерин жүргүзүү жана жаздык өсүмдүктөрдү себүү жөнүндө;

3) түшүмдү жыйноо, күздүк себүү жана тоңдурма айдоо тууралуу;

4) айыл чарба мөмө-жемиш өсүмдүктөрүн жана жүзүмдү дүң жыйноо жөнүндө; 5) айыл чарба өсүмдүктөрдүн түшүмүн жыйноо жөнүндө;

6) дыйкан (фермер) чарбаларында жана жарандардын жеке көмөкчү чарбаларында мал чарбачылык продукцияларын өндүрүү жөнүндө; 7) тоюттарды өндүрүү жөнүндө;

8) дыйкан (фермер) чарбалары тарабынан айыл чарба продукцияларын сатуунун көлөмү жана баалары тууралуу; 9) айыл чарба продукцияларын өндүрүүгө кеткен чыгымдар жөнүндө;

“Берилген ыйгарым укуктар боюнча маалымат берүүнүн мезгилдүүлүгү жана мөөнөтү мамлекеттик статистика отчеттуулугунун формаларына ылайык каралып, 2-тиркемеде көрсөтүлгөн”.