КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2020-жылдын 23-июну ПЖ № 138

Кыргыз Республикасынын жергиликтүү сотторунун айрым судьяларын которуу жөнүндө

Кыргыз Республикасынын Конституциясынын 95-беренесинин 6-бөлүгүнө, "Кыргыз Республикасынын судьяларынын статусу жөнүндө" Кыргыз Республикасынын конституциялык Мыйзамынын 23-беренесине, "Кыргыз Республикасынын жергиликтүү сотторунун түзүмүн жана жергиликтүү соттордун судьяларынын штаттык санын бекитүү жөнүндө" Кыргыз Республикасынын Мыйзамына ылайык жана Кыргыз Республикасынын Судьялар кеңешинин сунушу боюнча

ТОКТОМ КЫЛАМ:

1. Судьялардын штаттык саны өзгөргөндүгүнө байланыштуу Кыргыз Республикасынын жергиликтүү сотторунун иштеп жаткан айрым судьялары ыйгарым укуктарынын калган мөөнөтүнө андан ары судьянын ыйгарым укуктарын жүргүзүү үчүн Чүй облусунун төмөнкү жергиликтүү сотторуна которулсун:

- Аламүдүн райондук сотуна:

Жумаков Жаныбек Темирбекович Нарын облусунун Ак-Талаа райондук сотунан;

Малдыбаев Нурлан Малдыбаевич Нарын облустук сотунан;

Мелсов Женишбек Мелсович Нарын облустук сотунан;

Султаналиев Нурлан Туруспекович Чүй облусунун административдик сотунан;

Чоткараев Тилек Устабаевич Ысык-Көл облусунун Жети-Өгүз райондук сотунан;

- Сокулук райондук сотуна

Асанов Эрлан Джекшенбекович Чүй облусунун административдик сотунан;

- Ысык-Ата райондук сотуна

Курманов Ашырбек Такишович Чүй облусунун административдик сотунан.

2. Бул Жарлык кол коюлган күндөн тартып күчүнө кирет.