КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2020-жылдын 3-июлу ПЖ № 142

Кыргыз Республикасынын жергиликтүү сотторунун айрым судьялары жөнүндө

Кыргыз Республикасынын Конституциясынын 64-беренесинин 3-бөлүгүнүн 4-пунктуна, 95-беренесинин 3-бөлүгүнө, "Кыргыз Республикасынын судьяларынын статусу жөнүндө" Кыргыз Республикасынын конституциялык Мыйзамынын 27-беренесинин 1-1-бөлүгүнүн 4-пунктуна ылайык жана Кыргыз Республикасынын Судьялар кеңешинин сунушу боюнча

ТОКТОМ КЫЛАМ:

1. Кыргыз Республикасынын Жогорку сотунун судьялары болуп шайлангандыгына байланыштуу Кыргыз Республикасынын жергиликтүү сотторунун төмөнкү судьялары кызмат ордунан мөөнөтүнөн мурда бошотулуп, алардын судьялык ыйгарым укуктары 2020-жылдын 18-июнунан тартып токтотулсун:

- Ош шаардык сотунун судьясы Атаназаров Нурланбек Алайдиновичтин;

- Бишкек шаарынын Свердлов райондук сотунун судьясы Гилязетдинова Инара Ильгизовнанын;

- Чүй облусунун Сокулук райондук сотунун судьясы Жоомартов Кумушбек Рысбековичтин;

- Чүй облусунун Кемин райондук сотунун судьясы Эшалиев Нурманбет Касымбековичтин.

2. Бул Жарлык кол коюлган күндөн тартып күчүнө кирет.