КЫЗЫЛ-ТУУ АЙЫЛДЫК КЕҢЕШИ

ТОКТОМ 

Кызыл-Туу айылдык кеңешинин кезексиз он тогузунчу сессиясы

2020-жылдын 23-апрели № 19-2

Кызыл Туу айыл аймагындагы таза суу системасы жөнүндө

Кыргыз Республикасынын «Жергиликтүү өз алдынча башкаруу жөнүндө» мыйзамын негиздеп, Талаа-Булак айылы, Талаа-Булак айылынын Көк-Булак участкасы жана Кызыл-Сеңир айылындагы МХО участкасындагы таза суу системаларын тартуу долбоорлорун ишке ашыруу боюнча Кызыл-Туу айыл өкмөтүнүн социалдык коргоо боюнча башкы адиси А.Сулаймановдун маалыматын угуп, талкуулап Кызыл-Туу айылдык кеңеши

ТОКТОМ КЫЛАТ:

1. Кызыл-Туу айыл аймагындагы Талаа-Булак айылы, Талаа-Булак айылынын Көк-Булак участкасы жана Кызыл-Сеңир айылындагы МХО участкасындагы таза суу системаларын тартуу долбоорлорун ишке ашыруу үчүн 2024-жылга чейин чет элдик донорлор, демөөрчүлөр, жергиликтүү бюджет булактарынан тарабынан каржылоо колго алынсын.

2. Токтомду аткарылышын көзөмөлдөө жагы айылдык кеңештин социалдык коргоо боюнча туруктуу комиссиясына милдеттендирилсин.

3. Бул токтомду www.kyzyl-tuu.my1.ru расмий сайтына жарыялоо жана Кыргыз Республикасынын ченемдик укуктук актыларынын мамлекеттик реестрине киргизүү жагы Кызыл-Туу айыл өкмөтүнө милдеттендирилсин.