ӨЗГӨН ШААРДЫК КЕӉЕШИ

ТОКТОМ

Өзгөн шаардык кеңешинин (VI чакырылышынын) кезектеги XXVIII сессиясынын отурумунун

2020-жылдын 29-декабры № 28/3

Өзгөн шаарында таштандыларды ташып чыгаруу боюнча тарифтерди бекитүү жөнүндө

Кыргыз Республикасынын «Жергиликтүү өз алдынча башкаруу жөнүндөгү» мыйзамына ылайык Өзгөн шаардык кеңешинин кезектеги XXVIII сессиясынын отуруму күн тартибине Өзгөн шаардык кеңешинин «Бюджет, салык жана экономика саясаты боюнча» туруктуу комиссиясынын 2020-жылдын 17-декабрындагы №12 протоколунун негизинде сунушталган маселени угуп жана талкуулап,

ТОКТОМ КЫЛАТ: 

1. Өзгөн шаарынын аймагындагы “Өзгөн-Тазалык” муниципалдык ишканасында колдонуу үчүн, таштандыларды чыгаруу тарифтери төмөнкү тартипте бекитилсин:

- жеке турак жай ээлерине катуу таштандыларды чыгаруу үчүн ай сайын бир жаранга – 22 сом

- көп кабаттуу үй ээлерине катуу таштандыларды чыгаруу үчүн ай сайын бир жаранга – 19 сом

- бюджеттик мекемелерден 1м³ катуу таштандыларды ташып чыгаруу 327 сом

- коммерциялык ишканалардан 1м³ катуу таштандыларды ташып чыгаруу 357 сом

1. Шаардын таштанды топтоочу полигонуна таштанды алып кирүү үчүн автоунаалардан төмөндөгү тартипте акы алынуусуна макулдук берилсин:

Лабо автоунааларынан – 150 сом,

Портер автоунааларынан -250 сом,

ГАЗ-53 автоунааларынан - 400 сом,

Трактор жана ЗиЛ автоунааларынан - 450 сом,

КАМАЗ жана ХАО автоунааларынан - 600 сом,

АСС автоунааларынан - 300 сом

башка түрдөгү жеңил автоунааларынан – 50 сом,

1. Бекитилген тарифтер боюнча элге түшүндүрүү иштерин алып барып, Кыргыз Республикасынын Бааларды жөнгө салуу боюнча мамлекеттик агенттиги менен макулдашып, 2021-жылдын 1-мартынан ишке киргизүү Өзгөн-Тазалык муниципалдык ишканасынын директору Б.Мамадалиевге милдеттендирилсин.
2. Өзгөн шаардык кеңешинин 2013-жылдын 5-июнундагы Өзгөн шаарында таштандыларды чыгаруу боюнча тарифтерди бекитүү жөнүндө № 5/2 токтому күчүн жоготту деп табылсын.
3. Ушул токтомдун аткарылышын көзөмөлгө алуу Өзгөн шаардык кеңешинин «Бюджет, салык жана экономика саясаты боюнча» жана «Муниципалдык менчик, жер маселелери, курулуш жана архитектура, акы төлөп кызмат көрсөтүү сферасы боюнча» туруктуу комиссияларына тапшырылсын.