ӨЗГӨН ШААРДЫК КЕӉЕШИ

ТОКТОМ

Өзгөн шаардык кеңешинин (VI чакырылышынын) кезектеги XXIX сессиясынын отурумунун

 

2021-жылдын 25-февралы № 29/2

Өзгөн шаарынын 2020-жылдагы бюджетинин аткарылышын жана Өзгөн шаарынын 2021-жылга карата бюджетин бекитүү жөнүндө

Өзгөн шаардык кеңешинин (VI чакырылышынын) кезектеги XXIX сессиясынын отуруму Кыргыз Республикасынын Бюджеттик Кодексине ылайык жана “Бюджет, салык жана экономика саясаты боюнча” туруктуу комиссиясынын 2021-жылдын 5-январындагы №1, 6-январындагы №2, 21-январындагы №3, 26-январындагы №4, 27-январындагы № 5, 2-февралындагы №6, 3-февралындагы №7, 9-февралындагы №8 протоколдорунун негизинде,

ТОКТОМ КЫЛАТ:

                    1. Өзгөн шаарынын 2020-жылдагы бюджетинин киреше бөлүгү 94178,9 миң сомго, чыгаша бөлүгү 86941,3 миң сомго аткарылгандыгы бекитилсин.

                    2..2021-жылга шаардын бюджетинин кирешелерин түзүүчү булактары жана чыгашалары боюнча багыттар 1-тиркемеге ылайык 98175,5 миң сом өлчөмүндө бекитилсин.

                    3. Өзгөн шаарынын бюджетинин 2022-жылга божомолу 2-тиркемеге ылайык 100141,5 миң сом, 2023-жылга божомолу 3-тиркемеге ылайык 102427,5 миң сом өлчөмүндө бекитилсин.

                    4. 2021-2023-жылдарга жергиликтүү бюджеттин чыгашаларын каржылоону биринчи кезекте корголгон беренелер жана коммуналдык кызмат көрсөтүүлөр боюнча жүзөгө ашыруу шаардык мэриясына сунушталсын.

                    5. Шаардык бюджеттик мекемелерге, муниципалдык ишканаларга казыналыктын регионалдык бөлүмүнөн тышкары, мекеменин кассасы аркылуу атайын каражаттарын жана башка кирешелерди чыгымдоого тыюу салынсын.

                    6. Салык агенти төлөгөн киреше салыгынан эсептеп өткөрүүлөрдөн 100 пайыз шаардын бюджетине түшөөрү белгиленсин.

                    7. Шаардын бюджетине ыктыярдуу патенттин негизиндеги салык, милдеттүү патенттин негизиндеги салык, кичи ишканалардан алынуучу бирдиктүү салык, мүлккө салык, юридикалык жана физикалык жактардан алынуучу жер салыгынан эсептеп өткөрүүлөрдүн өлчөмү 100 пайыз жергиликтүү бюджетке түшөөрү белгиленсин.

                    8. 2021-жылга башкаруу органдарын каржылоого кетүүчү чыгымдар 12248,3 миң сом өлчөмүндө, анын ичинен Кыргыз Республикасынын «Бюджеттик кодексинин» 24-беренесине ылайык шаар мэриясынын резервдик фонду 800,0 миң сом өлчөмүндө бекитилсин.

                    9. Кыргыз Республикасынын Өкмөтү тарабынан аныкталуучу типтүү ченемдердин негизинде шаардык мэриясынын штаттык сан-эсеби жана түзүмү 4-тиркемеге ылайык, шаардык кеңештин аппаратынын штаттык сан-эсеби жана түзүмү 5-тиркемеге ылайык, Өзгөн шаардык мэриясынын алдындагы муниципалдык менчиктеги мүлктү башкаруу департаментинин штаттык сан-эсеби жана түзүмү 6-тиркемеге ылайык, кварталдык комитеттердин штаттык сан-эсеби жана түзүмү 7-тиркемеге ылайык, Өзгөн шаардык маданият бөлүмүнүн штаттык сан-эсеби жана түзүмү 8-тиркемеге ылайык, Н.Азнабакиев атындагы балдардын эс алуу багынын штаттык сан-эсеби жана түзүмү 9-тиркемеге ылайык, Өзгөн-Тазалык муниципалдык ишканасынын штаттык сан-эсеби жана түзүмү 10-тиркемеге ылайык, Өзгөн-Таза суу муниципалдык ишканасынын штаттык сан-эсеби жана түзүмү 11-тиркемеге ылайык бекитилсин.

                    10. Кыргыз Республикасынын Өкмөтүнүн 2017-жылдын 1-мартындагы №131 токтомунун негизинде 2021-жылдын жергиликтүү бюджетинин эсебинен Өзгөн шаардык мэриясынын, шаардык кеңештин, МММБ департаментинин, шаардык маданият бөлүмүнүн кызматкерлеринин эмгек акысына (кызматтык маянасына) ай сайын кошумча 30% төлөнсүн. МММБ департаментинин электригинин эмгек акысына (кызматтык маянасына) ай сайын кошумча 50% төлөнсүн. Өзгөн шаар мэриясынын, шаардык кеңештин, МММБ департаментинин, шаардык маданият бөлүмүнүн кызматкерлерин социалдык жактан колдоо үчүн кошумча төлөмдөрдүн 2021-жылга эсеби 12-тиркемеге ылайык бекитилсин.

                    11. Элге социалдык жактан колдоо көрсөтүү үчүн 272131 “Элге жеңилдиктер” статьясынан жергиликтүү бюджеттин эсебинен 13-тиркемеге ылайык 800,0 миң сом, 27216 “Өзгөчө кырдаалдан жабыр таркткандарга кайтарымсыз жардам” статьясынанан жергиликтүү бюджеттин эсебинен 14-тиркемеге ылайык 1000,0 миң сом каржылоого макулдук берилсин.

                    12. 2022-жылдын 1-январына карата шаардык бюджет боюнча кассада жүргүзүлүүчү нак акча 700,0 миң сом өлчөмүндө белгиленсин.

                    13. 2021-жылдын 1-январына карата шаардык бюджетте 14713,2 миң сом эркин калдык акча каражаты калганы эске алынсын. Бюджеттик мекемелердин атайын эсебинде 2021-жылдын 1-январына карата 139,0 миң сом өлчөмүндөгү эркин калдык акча каражаты калганы эске алынсын жана мыйзамга ылайык ар бир бюджеттик мекеменин өзүнүн керектөөсүнө иштетилсин.

                    14. Кварталдык комитеттердин төрагаларынын эмгек акысын төлөө муниципалдык мүлктү башкаруу департаменти аркылуу жергиликтүү бюджеттин эсебинен жүргүзүлсүн.

                    15. Каражаттардын жетишпестигине байланыштуу 2019-жылдын жыйынтыгы менен 1-январь 2020-жылга шаардык бюджетте калган 7148,0 миң сом эркин калдыктын МММБ департаментине каржыланганы эсепке алынсын.

                    16. Өзгөн шаарынын бюджетинин киреше жана чыгаша бөлүгүнүн аткарылышынын 2021-жылдын 6 айлык жыйынтыгы боюнча Өзгөн шаардык кеңешинин сессиясында отчет берүү шаардык мэриясына милдеттендирилсин.

                    17. Автотранспортту парковкалоо үчүн жыйым Өзгөн шаарынын аймагында бир парковка орду үчүн эсептик көрсөткүчтүн 5 пайызы өлчөмүндө бекитилсин.

                    18. Бюджеттин киреше бөлүгүн көбөйтүүдө шаар мэриясы менен биргеликте иш жүргүзүү жагы Өзгөн шаардык кеңешинин “Бюджет, салык жана экономика саясаты боюнча” туруктуу комиссиясына тапшырылсын.

                    19. Бул токтомдун аткарылышын көзөмөлдөө Өзгөн шаардык кеңешинин “Бюджет, салык жана экономика саясаты боюнча” туруктуу комиссиясына тапшырылсын.

 

Төрага

А. Джалилов

 

Өзгөн шаардык кеңешинин (VI чакырылышынын) 2021-жылдын 25-февралындагы кезектеги XXIX сессиясынын  №29/2 токтомунун 1-тиркемеси

 

Өзгөн шаарынын 2021-жылга карата бюджетинин долбоору