ҮЧ-ТЕРЕК АЙЫЛДЫК КЕҢЕШИ

ТОКТОМ

Үч-Терек айыл аймагынын айылдык кеӊешинин VIIчакырылышынын кезектеги ХХХIII сессиясы

2020-жылдын 10-февралы № 161

Кызыл-Ураан айылындагы тарыхый археологиялык маанидеги Миң-Дөбө көрүстөнүнүн буфердик зонасын сактоо максатында ага жакын аралыкта жайгашкан көрүстөнгө майыт коюуну токтотуп,Миң-Дөбөкөрүстөнүнүн түндүк-батыш тарабынын 300 метр аралыгындагы жайыт жерине жаңы жерге көрүстөндү которууга макулдук берүү жөнүндө.

 Кызыл-Ураан айылындагы тарыхый археологиялык маанидеги Миң-Дөбө көрүстөнүнүн буфердик зонасын сактоо максатында ага жакын аралыкта жайгашкан көрстөнгө майыт коюуну токтотуп,Миң-Дөбө көрүстөнүнүн түндүк-батыш тарабынын 300 метр аралыгындагы жайыт жерине жаңы жерге көрүстөндү которууга макулдук берүү боюнча айыл өкмөт башчысы Н.Молдомусаевдин билдирүүсүн угуп жана талкуулап, Үч-Терек айыл аймагынын айылдык кеңешинин VII-чакырылышынын кезектеги ХХХIII сессиясы

ТОКТОМ КЫЛАТ:

1. Үч-Терек айыл өкмөтүнө караштуу Кызыл-Ураан айылындагы тарыхый археологиялык маанидеги Миң-Дөбө көрүстөнүнүн буфердик зонасын сактоо максатында ага жакын аралыкта жайгашкан көрүстөнгө сөөк коюу токтотулсун.

2. Миң-Дөбө көүстөнүнүн түндүк-батыш тарабынын 300 метр аралыгындагы жайыт жерине жаңы көрүстөнгө которууга (трансформациялоого) тиешелүү документацияларын бүтүрүп, көрүстөндү жаңы жерге көчүрүү Үч-Терек айыл өкмөтүнө милдеттендирилсин.

3. Бул токтомдун аткарылышын көзөмөлгө алуу жагы айылдык кеңештин Агрардык комиссиясына тапшырылсын.

4. Бул токтом www.uch-terek.kg сайтына жарыяланган күндөн тартып мыйзамдуу күчүнө кирет.

5. Токтом мамлекеттик тилде гана кабыл алынды.