МЫРЗА-АКЕ АЙЫЛДЫК КЕҢЕШИ

ТОКТОМ

 

Мырза-Аке айылдык кеңешинин VI чакырылышынын кезектеги XХ сессиясы

 

2018-жылдын 22-декабры №207

Мырза-Аке айыл өкмөтүнүн 2019-жылга бюджетин ,2020-2021-жылдарга карата долбоорун бекитүү

 

“«Финансы экономика, бюджет, экономикалык жактан өнүгүүнүн болжолдуу багыттарын аныктоо жана инвестиция боюнча комиссиясынын, Мырза-Аке айыл өкмөтүнүн 2019-жылга бюджетин бекитүү , 2020-2021-жылдарга карата долбоору жөнүндө билдирүүсүн угуп жана талкуулап, Кыргыз Республикасынын «Жергиликтүү өз алдынча башкаруу жөнүндө» Мыйзамынын 31-беренесинин 2-пунктун жетекчиликке алып, Мырза-Аке айылдык кеңеши

ТОКТОМ КЫЛАТ:

1. 2019-жылга Мырза-Аке айыл өкмөтүнүн бюджети кирешелер жана чыгашалар бөлүгү КР Каржы Министрлиги тарабынан жетикирилген контролдук цифралдын негизинде №1,2 тиркемеге ылайык 33380,3 миң сом өлчөмүндө бекитилсин.

2. Мырза-Аке айыл өкмөтүнүн 2019-жылга бюджетинин кирешелер бөлүгүнө КР Каржы Министрлиги тарабынан жеткирилген контролдук цифраларда; Пайдадан түшүүчү салыкка – 1848,6 миң, А.ч жарактуу эмес жер салыгына – 680,0 миң жана Сатуудан түшүүчү салыкка – 241,0 миң негизсиз ашыкча жеткирилгендиги эске алынсын жана жыл ичинде пландан кыскартып берүү жагы КР Каржы Министрлигинин Өзгөн башкармалыгынан суралсын.

3. Айыл өкмөтүнүн 2020-2021 жылдарга жактырылган болжолдуу көрсткүчтөрү №3 тиркемеге ылайык бекитилсин жана ар бир так мезгилде аларды кабыл алууда такталууга жатаары белгиленсин.

4. 2019-жылга чегерүүлөрдүн ченемдери төмөнкүлөрдөн белгиленсин:

а) жалпы мамлекеттик салыктан түшүүлөрдөн: салык агенти тарабынан төлөнүүчү киреше салыгынан – 70% жана айылдардын жергиликтүү бюджеттери үчүн сатуудан түшкөн салыктан – 50% өлчөмүндө.

б) бирдиктүү салык негизинде тушуулөрдөн, ыктыярду жана милдеттүү патент негизиндеги салыктардан жергиликтүү бюджетке – 100% өлчөмүндө

в) жер казынасын пайдалангандыгы үчүн салыктан (стратегиялык пайдалуу кендерди: алтын, мунай, газды кошпогондо, роялти) алардын иштетилген жери (жайгашкан орду) боюнча айылдардын тиешелүү бюджеттерине-50% өлчөмүндө

г) жер казынасын пайдалануу үчүн салыктан (бонустар) республикалык бюджетке – 100% өлчөмүндө белгиленсин.

5. Мындан кийин башталып толук бүтпөй калган Адыр, Бабыр, айылдарынын негизги жолдорунун жана Мырза-Аке айылынын долбоорлору даяр болгон жана турак жайлары, курулуштары кызыл сызыкка чыкпаган ички көчөлөрүн гана асфальттоо айыл өкмөтүнө милдеттенндирилсин жана 2018-жылдан эконом болуп 2019-жылга өтүүчү каражаттар жолдорду асфальттоого гана жумшалсын.

6. Жайыт комитетинин бюджети 200 миң сом өлчөмүндө бекитилери белгиленсин.

7. Жергиликтүү салыктардан жана салыктык эмес жыйымдардан түшүүчү жергиликтүү бюджеттердин кирешелери башка денгээлдеги бюджетке алынууга жатпастыгы белгиленсин.

8. Мыйзам менен каралган укуктардын чектеринде – жер салыгы боюнча базалык ставкаларды же коэффиценттерди жогорулатуу боюнча жергиликтүү өз алдынча башкаруу органдары тарабынан чечимдерди кабыл алуунун эсебинен жергиликтүү бюджеттердин кирешесин көбөйтүүсү 2016-жылдын 30-ноябрындагы КР Жогорку кеңеши тарабынан кабыл алынып, мыйзам менен бекитилген 2019-2021-жылдарга теңдөөчү гранттардын өлчөмдөрүн өзгөртүү үчүн негиз болуп саналбасы белгиленсин.

9. Кыргыз Республикасынын бюджеттик укуктарынын негизги принциптери жөнүндө Мыйзамынын 21-беренесине ылайык айыл өкмөтүнүн резервдик фонду 330,0 миң сом өлчөмүндө бекитилсин.

10. Айыл өкмөтүнүн 2019-2021 жылдарга жергиликтүү бюджеттердин чыгашаларын каржылоо биринчи кезектеги тартипте корголгон беренелер (эмгек акы, социалдык фондко, тамак-аш, дары-дармек жана милдеттуу медициналык камсыздандырууга чегерүүлөр), коммуналдык кызматтык (электр энергия, көмур, суу) боюнча жүзөгө ашыруу сунушталсын.

11. Айыл өкмөтүнүн теңдөөчү гранттарды каржылоо биринчи кезектеги тартипте корголгон беренелер жана коммуналдык кызматтык көрсөтүүлөр боюнча чыгашалар каржылоого багытталсын.

12. Республикалык бюджеттен теңдөөчү гранттардын эсебинен коммуналдык кызмат көрсөтүүлөр боюнча чыгашаларды толук каржылоо үчүн айыл өкмөттөрү жоопкерчилик тартары белгиленсин.

13. Айыл өкмөтү тарабынан максаттуу багытталышы боюнча пайдаланылбаган Кыргыз Республикасынын республикалык бюджетинин каражаттары тиешелүү бюджеттерге ондүрүп алынаары эске алынсын.

14. Казына системасын четтеп отуу менен атайын каражаттарды пайдаланууга тыйюу салынсын. Көрсөтүлгөн тартип бузулганда атайын каражаттын 100% и Кыргыз Республикасынын Республикалык бюджетинин кирешесине алынат.

15. Айланма кассалык калдык (оборотный кассовый наличность) айыл өкмөтүнүн бюджети боюнча жүргүзүлгөн накталай акча каражаты 2020-жылдын 1-январына карата 50,0 миң сом өлчөмүндө белгиленсин.

16. Токтомду көзөмөлдөө жагы айылдык кеңештин «Финансы экономика, бюджет, экономикалык жактан өнүгүүнүн болжолдуу багыттарын аныктоо жана инвестиция маселелери боюнча» туруктуу комиссиясына тапшырылсын.