КЫЗЫЛ-ОКТЯБРЬ АЙЫЛДЫК КЕҢЕШИ

ТОКТОМ

Кызыл-Октябрь айылдык кеңешинин VII-чакырылышынын кезексиз VIII отурум

2022-жылдын 5-марты №23

Кызыл-Октябрь айыл өкмөтүнүн “Үч-Алыш” СПАсын менчигиндеги ирригациялык курулмалардын жалпы бөлүгүн Кызыл-Октябрь айыл өкмөтүнүн жергиликтүү жамаатынын муниципиалдык менчикке кабыл алуу жөнүндө

Кыргыз Республикасынын “Мүлккө болгон муниципиалдык менчик жөнүндө” Мыйзамынын 2 жана 19-беренелерине, Кыргыз Республикасынын “Жергиликтүү мамлекеттик администрация жана жергиликтүү өз алдынча башкаруу органдары жөнүндө” Мыйзамынын 27,34-беренелерине, Кыргыз Республикасынын “Суу кодексинин” 84-беренесинин 1,5-пункуттарына ылайык “Үч-Алыш” СПАсынын мүчөлөрүнүн жалпы жыйынынын ирригациялык курулмаларды муниципиалдык менчикке акысыз берүү жөнүндө чечими, Кызыл-Октябрь айыл өкмөтүнүн башчысы Р.Талантбек уулунун сунушун Кызыл-Октябрь айылдык кеңешинин айыл, суу чарба, экология, турак жай жана өнөр жай, курулуш, жерге жайгаштыруу, тазалык боюнча туруктуу комиссиясынын корутундусун угуп талкуулап чыгып, Кызыл-Октябрь айылдык кеңешинин кезексиз VIII - отуруму

ТОКТОМ КЫЛАТ:

1.”Үч-Алыш” СПАсынын мүчөлөрүнүн жалпы жыйынынын ирригациялык курул-малардын жалпы бөлүгүн (схемада каралган), мүлктөрү анын ичинде XN 977-2L чыгарылган жылы 2013,кузову № 13083181, кыймылдаткыч № Х1315083 үлгүсүндөгү экскватор муниципиалдык менчикке акысыз берүү жөнүндө өтүнүч кайрылуусу канаттандырылсын, Кызыл-Октябрь айыл өкмөтүнүн жергиликтүү жамаатынын муници-пиалдык менчигине кабыл алынсын.

2. Кызыл-Октябрь айыл өкмөтүнүн башчысы Р.Талантбек уулуна:

1) ”Үч-Алыш” СПАсы менен биргеликте ирригациялык курулмалардын жалпы бөлүгүн (жер канал,жер арыктары) кабыл алуу өткөрүп берүү актысын түзсүн.

2) Ирригациялык курулмаларды муниципиалдык менчик реестрине камтысын.

3) ”Үч-Алыш” СПАсы менен биргеликте ирригациялык курулмаларды берүү келишимине кол койсун, аны мамлекеттик нотариалдык канторасынан күбөлөндүрсүн жана мамлекеттик каттоо кызматтарынын органдарына каттасын.

3. Ушул токтомдун аткарылышын көзөмөлдөө жагы Кызыл-Октябрь айылдык кеңешинин айыл, суу чарба, экология, турак жай жана өнөр жай, курулуш, жерге жайгаштыруу, тазалык боюнча туруктуу комиссиясына жүктөлсүн.