ҮЧ-ТЕРЕК АЙЫЛДЫК КЕӉЕШИ

ТОКТОМ

Үч-Терек айыл аймагынын айылдык кеӊешинин VII чакырылышынын кезектеги ХХХVI сессиясы

2020-жылдын 11-декабры № 190

Саргата айылындагы ФАПга маркум Жамгырчиев Мыктыбектин атын берүү жөнүндө

Маркум Жамгырчиев Мыктыбек 1930-жылдын 5-майында Токтогул районунун Саргата айылында жумушчунун үй-бүлөсүндө туулган.

1951-жылы Советтик Армиянын катарына чакырылып, 1954- жылы аскердик мөөнөтүн аяктап келгенден кийин, 1954-жылдан 1958-жылга чейин колхоздо жумушчу болуп иштеген. 1959-жылы Жалал-Абад шаарындагы медициналык окуу жайына кирип, фельдшердик бөлүмүн 1962-жылы ийгиликтүү аяктаган.

1962-жылы окууну аяктагандан кийин Саргата айылындагы ФАПта фельдшер болуп 1996 жылга чейин эмгектенген. 1996-жылы ардактуу эс алууга чыккан. Үзүрлүү эмгеги үчүн райондук, областтык жана саламаттыкты сактоо министрлигинин көптөгөн сыйлыктарынын ээси болгон.Саргата айылынын жашоочуларынын жалпы чогулушунун негизинде айылдык кенештин кезектеги ХХХVI сессиясы

ТОКТОМ КЫЛАТ:

1. Саргата айылындагы ФАПка маркум Жамгырчиев Мыктыбектин аты берилсин.

2. ФАПтын жолдорун ондоого, айланасын көрктөндүрүүгө, жарыктандырууга жана башка иштерин аткарууга алуу жагы уул, кыздарына милдеттендирилсин.

3. Бул токтом www.uch-terek.kg сайтына жарыяланган күндөн тартып мыйзамдуу күчүнө кирет.

4. Токтом мамлекеттик тилде гана кабыл алынды.