КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2009-жылдын 10-марты ПЖ № 153

Кыргыз Республикасынын Президентинин 2007-жылдын 27-августундагы "Мамлекеттик кызмат орундарынын Реестрин бекитүү жөнүндө" Жарлыгына өзгөртүү киргизүү тууралуу

Кыргыз Республикасынын Президентинин Администрациясынын түзүмүн оптималдаштыруу жана анын функциялык ишин жогорулатуу максатында токтом кылам:

1. Кыргыз Республикасынын Президентинин 2007-жылдын 27-августундагы N 385 "Мамлекеттик кызмат орундарынын Реестрин бекитүү жөнүндө" Жарлыгы менен бекитилген "Саясый жана атайын мамлекеттик кызмат орундарынын Реестри" деген N 1 тиркемеге төмөнкүдөй өзгөртүү киргизилсин:

"Кыргыз Республикасынын Президентинин Администрациясы" деген бөлүктүн II тобундагы "Саясый мамлекеттик кызмат орундары" деген бөлүмдүн "Кыргыз Республикасынын Президентинин Администрациясынын Жетекчисинин орун басары" деген сапка "- уюштуруу иштер жана мамлекеттик башкаруу саясаты бөлүмүнүн башчысы" деген сөздөр кошулсун.

2. Бул Жарлык кол коюлган күндөн тартып күчүнө кирет.

Кыргыз Республикасынын Президенти К.Бакиев