КР Президентинин

2011-жылдын 25-январындагы № 16 Жарлыгына ылайык

КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2009-жылдын 6-ноябры ПЖ № 493

Кыргыз Республикасынын Президентинин 2009-жылдын 17-июнундагы "Кыргыз Республикасын өнүктүрүү Фондунун Байкоочу кеңеши жөнүндө Жобону бекитүү тууралу" Жарлыгына өзгөртүүлөрдү киргизүү жөнүндө

Кыргыз Республикасын өнүктүрүү Фондунун Байкоочу кеңешинин ишин оптималдаштыруу максатында

ТОКТОМ КЫЛАМ:

1. Кыргыз Республикасынын Президентинин 2009-жылдын 17-июнундагы № 280 "Кыргыз Республикасын өнүктүрүү Фондунун Байкоочу кеңеши жөнүндө Жобону бекитүү тууралу" Жарлыгы менен бекитилген Кыргыз Республикасын өнүктүрүү Фондунун Байкоочу кеңеши жөнүндө Жобого төмөнкүдөй өзгөртүүлөр киргизилсин:

- 7-9-пункттар төмөнкү редакцияда баяндалсын:

"7. Кеңеш 2 жылдык мөөнөткө 11 адамдан, анын ичинде Кеңештин төрагасынан жана анын орун басарынан түзүлөт.

8. Кеңештин толук курамын Кыргыз Республикасынын Президенти бекитет.

9. Кеңештин төрагасын Кыргыз Республикасынын Президенти дайындайт.";

- 10-пункттун экинчи абзацы күчүн жоготту деп табылсын.

2. Бул Жарлык кол коюлган күндөн тартып күчүнө кирет.