КР Президентинин 2013-жылдын 30-декабрындагы ПЖ № 237 Жарлыгына ылайык КҮЧҮН ЖОГОТТУ

КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2012-жылдын 5-октябры ПЖ №208

Кыргыз Республикасынын Президентинин 2007-жылдын 27-августундагы "Кыргыз Республикасынын мамлекеттик кызмат орундарынын Реестрин бекитүү жөнүндө" Жарлыгына толуктоо жана өзгөртүүлөрдү киргизүү тууралуу

"Кыргыз Республикасынын Өкмөтү жөнүндө" Кыргыз Республикасынын конституциялык Мыйзамына ылайык

ТОКТОМ КЫЛАМ:

1. Кыргыз Республикасынын Президентинин 2007-жылдын 27-августундагы "Кыргыз Республикасынын мамлекеттик кызмат орундарынын Реестрин бекитүү жөнүндө" Жарлыгына төмөнкүдөй толуктоо жана өзгөртүүлөр киргизилсин:

1) жогоруда аталган Жарлык менен бекитилген Кыргыз Республикасынын саясий жана атайын мамлекеттик кызмат орундарынын Реестринде:

- "Саясий мамлекеттик кызмат орундары" бөлүгүнүн "Кыргыз Республикасынын аткаруу бийлиги" бөлүмүндө:

"Кыргыз Республикасынын Өкмөтүнө караштуу администрациялык ведомстволор" бөлүмүнөн кийин төмөнкүдөй мазмундагы бөлүм менен толукталсын:

"Кыргыз Республикасынын Өкмөтүнүн облустагы ыйгарым укуктуу өкүлү

II топ

Кыргыз Республикасынын Өкмөтүнүн облустагы ыйгарым укуктуу өкүлү

III топ

Кыргыз Республикасынын Өкмөтүнүн облустагы ыйгарым укуктуу өкүлүнүн орун басары";

"Кыргыз Республикасынын жергиликтүү мамлекеттик администрациялары" бөлүмүндөгү II топ жана III топтун биринчи абзацы күчүн жоготту деп табылсын;

2) жогоруда аталган Жарлык менен бекитилген Кыргыз Республикасынын администрациялык мамлекеттик кызмат орундарынын Реестринде:

- 16-главада "Кыргыз Республикасынын облустук мамлекеттик администрациялары" деген сөздөр "Кыргыз Республикасынын Өкмөтүнүн облустардагы ыйгарым укуктуу өкүлдөрүнүн аппараттары" деген сөздөргө алмаштырылсын;

- 19-главанын "Улук кызмат орду" тобунун УЗ категориясынын биринчи абзацы төмөнкүдөй редакцияда баяндалсын: "Кыргыз Республикасынын Өкмөтүнүн облустагы ыйгарым укуктуу өкүлүнүн жардамчысы".

2. Кыргыз Республикасынын Өкмөтү өзүнүн чечимдерин ушул Жарлыкка ылайык келтирсин.

3. Ушул Жарлык расмий жарыяланган күндөн тартып күчүнө кирет.