КЫРГЫЗ РЕСПУБЛИКАСЫНЫН ПРЕЗИДЕНТИ

ЖАРЛЫК

2016-жылдын 30-ноябры ПЖ № 288

Кыргыз Республикасынын жергиликтүү сотторунун судьяларын дайындоо жөнүндө

Баткен облусунун Кызыл-Кыя жана Сүлүктү шаардык сотторунун, Баткен, Кадамжай жана Лейлек райондук сотторунун, Талас облусунун Талас шаардык сотунун судьяларынын кызмат орундарына талапкерлер боюнча сунуштарды карап чыгып, Кыргыз Республикасынын Конституциясынын 64-беренесинин 3-бөлүгүнүн 3-пунктуна, 94-беренесинин 8-бөлүгүнүн экинчи абзацына жана "Кыргыз Республикасынын судьяларынын статусу жөнүндө" Кыргыз Республикасынын конституциялык Мыйзамынын 22-беренесинин 3-бөлүгүнүн биринчи абзацына ылайык

ТОКТОМ КЫЛАМ:

1. 2016-жылдын 1-декабрынан баштап биринчи жолу 5 жылдык мөөнөткө Кыргыз Республикасынын жергиликтүү сотторунун судьялары болуп төмөнкүлөр дайындалсын:

Абдимиталипов Эльярбек Бахадирович;

Адимов Акылбек Акматович;

Ажиматов Улан Абдыкаарович;

Бекишова Махабат Таныбековна;

Гуламидин уулу Элчибек;

Момбаев Жанибек Пахридинович;

Суйналиев Дамир Суйунтаевич;

Тажибаев Илязбек Курванбекович;

Турдалиев Ниязбек Назарович;

Эгембердиева Аида Салибековна;

Эрматова Гулзат Муктаровна.

2. Бул Жарлык кол коюлган күндөн баштап күчүнө кирет.