КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

2011-жылдын 31-марты № 288-V

2010-жылдын 7-апрелиндеги тополоңдо курман болгондор жөнүндө анык эмес маалыматтар тууралуу

2010-жылдын 7-апрелиндеги тополоңдо курман болгондор жөнүндө анык эмес маалыматтарды эске алып, Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Башкы прокуратурасы:

- 2010-жылдын 7-апрелиндеги тополоңдо курман болгондор жөнүндө анык эмес маалыматтар боюнча териштирүү жүргүзсүн;

- тиешелүү мамлекеттик органдар менен биргелешип Маралбек Сатылганович Максымбековдун аты менен көмүлгөндүн инсанын белгилөө боюнча иш жүргүзсүн.

2. 2010-жылдын 7-апрелиндеги тополоңдо курман болгондордун тизмесинде жүргөн, 1963-жылы туулган жаран Маралбек Сатылганович Максымбековдун коопсуздугун камсыз кылуу боюнча чараларды жүзөгө ашыруу Кыргыз Республикасынын Мамлекеттик коопсуздук комитетине сунуш кылынсын:

3. Жогоруда көрсөтүлгөн жаранга карата коопсуздук чараларын жүзөгө ашыруу жөнүндө чечим кабыл алуу сот органдарынан өтүнүлсүн.

4. 2010-жылдын 7-апрелиндеги тополоңдо курман болгондор жөнүндө анык эмес маалыматтарды иликтөө боюнча убактылуу депутаттык комиссия Кыргыз Республикасынын Жогорку Кеңешинин төмөнкү депутаттарынын курамында түзүлсүн:

М.А.Султанов - "Ата-Журт" депутаттык фракциясынан;

К.А.Талиева - "Ар-Намыс" депутаттык фракциясынан;

А.Т.Сулайманов - "Республика" депутаттык фракциясынан;

А.А.Досалиев - "Ата Мекен" депутаттык фракциясынан;

З.М.Алымбеков - КСДП депутаттык фракциясынан.