КЫРГЫЗ РЕСПУБЛИКАСЫНЫН ЖОГОРКУ КЕҢЕШИ

ТОКТОМ

 2013-жылдын 3-апрели №2934-V

Н.И.Исановдун туулган күнүнүн 70-жылдыгына арналган иш-чаралар жөнүндө

Көрүнүктүү мамлекеттик ишмер, эгемендүү Кыргызстандын туңгуч премьер-министри Насирдин Исанович Исановдун өлкөнүн социалдык-экономикалык өнүгүүсүнө сиңирген эмгегин эске алуу менен, ошондой эле 2013-жылы белгиленүүчү туулган күнүнүн 70-жылдыгына байланыштуу Кыргыз Республикасынын Жогорку Кеңеши

ТОКТОМ КЫЛАТ:

1. Кыргыз Республикасынын Өкмөтү:

- 2013-жылдын 1-майына чейин көрүнүктүү мамлекеттик ишмер Н.И.Исановдун туулган күнүнүн 70-жылдыгын мамлекеттик деңгээлде өткөрүүнүн иш-чараларынын планын иштеп чыксын жана өткөрүү күнүн белгилесин;

- иш-чараларды каржылоо республикалык бюджеттин каражаттарынын эсебинен жүзөгө ашырылсын.

2. Ушул токтомдун аткарылышын контролдоо Кыргыз Республикасынын Жогорку Кеңешинин Билим, илим, маданият жана спорт боюнча комитетине (К.Осмоналиев) жүктөлсүн.