КЫРГЫЗ РЕСПУБЛИКАСЫНЫН ӨКМӨТҮ

ТОКТОМ

2000-жылдын 27-апрели № 240

Кыргыз Республикасынын граждандарына Жуков медалын

тапшыруунун тартибин бекитүү жана 1941-1945-жылдардагы

Улуу Ата мекендик согуштагы жеңиштин 55 жылдыгынын

урматына "1941-1945-жылдардагы согуштун ардагери"

деген бирдей үлгүдөгү эстелик белгисин

тапшыруунун тартиби жөнүндө

Көз карандысыз Мамлекеттер Шериктештигине катышкан мамлекеттердин граждандарын Жуков медалы менен сыйлоонун тартиби жөнүндө 1995-жылдын 26-майында Минск шаарында Көз карандысыз Мамлекеттер Шериктештигинин мамлекет башчыларынын Кеңешинде кабыл алынган чечимдин жана 1941-1945-жылдардагы Улуу Ата мекендик согуштагы жеңиштин 55 жылдыгынын урматына "1941-1945-жылдардагы согуштун ардагери" деген бирдей үлгүдөгү эстелик белгиси жөнүндө 1999-жылдын 8-октябрында Ялта шаарында Көз карандысыз Мамлекеттер Шериктештигинин өкмөт башчыларынын Кеңешинде кабыл алынган чечимдин негизинде Кыргыз Республикасынын Өкмөтү

ТОКТОМ КЫЛАТ:

1. Төмөнкү тиркелгендер.

- Кыргыз Республикасынын граждандарына Жуков медалын тапшыруунун тартиби;

- Кыргыз Республикасынын граждандарына 1941-1945-жылдардагы Улуу Ата мекендик согуштагы жеңиштин 55 жылдыгынын урматына "1941-1945-жылдардагы согуштун ардагери" деген бирдей үлгүдөгү эстелик белгисин тапшыруунун тартиби бекитилсин.

2. Ушул токтомдун аткарылышын көзөмөлдөө Кыргыз Республикасынын Коргоо министрлигине тапшырылсын.

3. Бул токтом массалык маалымат каражаттарында жарыялансын.