Кыргыз Республикасынын Өкмөтүнүн 2013-жылдын 21-октябрындагы № 573 токтому менен бекитилген

 

Жарандык абалдын актыларын жазуунун автоматташтырылган маалыматтык тутум жөнүндө жобо

 

(КР Өкмөтүнүн 2017-жылдын 28-сентябрындагы № 619, КР Министрлер Кабинетинин 2021-жылдын 15-июнундагы № 30, 2023-жылдын 3-мартындагы № 133 , токтомунун редакциясына ылайык)

1. Жалпы жоболор

1. Бул Жобо Кыргыз Республикасында жарандык абалдын актыларын жазуунун автоматташтырылган маалыматтык тутумунун негизги максаттарын, милдеттерин жана анын иштөөсүнүн тартибин аныктайт.

2. Кыргыз Республикасында жарандык абалдын актыларын жазуунун автоматташтырылган маалыматтык тутуму Кыргыз Республикасынын Президентинин Иш башкармасына караштуу "Кызмат" мамлекеттик мекемесинде (мындан ары - Мамлекеттик мекеме) жарандык абалдын актыларын мамлекеттик каттоонун негизги процесстерин автоматташтырууну камсыздоочу маалыматтык тутумдан турат.

Кыргыз Республикасында жарандык абалдын актыларын жазуунун автоматташтырылган маалыматтык тутуму (мындан ары - жарандык абалдын актыларын жазуунун автоматташтырылган маалыматтык тутум) жарандык абалдын актыларын мамлекеттик каттоого, жарандык абалдын актыларынын жазууларына оңдоолорду жана өзгөртүүлөрдү киргизүүгө, ошондой эле жарандык абалдын актыларынын жазууларын түзүүгө, эсепке алууга, сактоого жана Кыргыз Республикасынын калкына мамлекеттик кызматтарды көрсөтүүнүн сапатын жогорулатууга арналган.

(КР Министрлер Кабинетинин 2021-жылдын 15-июнундагы № 30, 2025-жылдын 7-апрелиндеги № 181 токтомдорунун редакцияларына ылайык)

3. Жарандык абалдын актыларын жазуунун автоматташтырылган маалыматтык тутумунун ээси болуп Мамлекеттик мекеме эсептелет.

Кыргыз Республикасында жарандык абалдын актыларын жазуунун автоматташтырылган маалыматтык тутумун пайдалануу Мамлекеттик мекеменин жана анын аймактык органдарынын кызматкерлери үчүн мамлекеттик кызматтарды көрсөтүүдө милдеттүү болуп эсептелет.

4. Жарандык абалдын актыларын жазуунун автоматташтырылган маалыматтык тутумун коштоо жана өнүктүрүү белгиленген тартипте Мамлекеттик мекеме тарабынан жүргүзүлөт.

2. Жарандык абалдын актыларын жазуунун автоматташтырылган маалыматтык тутумунун негизги максаттары жана милдеттери

5. Жарандык абалдын актыларын жазуунун автоматташтырылган маалыматтык тутумунун негизги максаты болуп Кыргыз Республикасында жарандык абалдын актылары жөнүндө маалыматтарды мамлекеттик каттоо, эсепке алуу жана иштетүү процесстерин автоматташтыруу эсептелет.

6. Жарандык абалдын актыларын жазуунун автоматташтырылган маалыматтык тутумунун негизги милдеттери төмөнкүдөй:

- жарандык абалдын актыларын мамлекеттик каттоо жана башка юридикалык маанилүү иш-аракеттерди аткаруу;

- жарандык абалдын актыларына оңдоолорду жана өзгөртүүлөрдү киргизүү;

- Мамлекеттик мекеменин жана анын аймактык органдарынын кызматкерлерине жарандык абалдын актыларынын мамлекеттик катталганы жөнүндө маалыматтарды (документтерди) берүү үчүн керектүү маалыматты алууларына мүмкүнчүлүктү түзүү;

- жарандык абалдын актыларынын мамлекеттик катталганы жөнүндө жалпылоочу отчетторду түзүү;

- Кыргыз Республикасынын мыйзамдарында каралган учурларда Мамлекеттик мекеменин Кыргыз Республикасынын башка мамлекеттик органдары менен өз ара байланышта иштешүүсүн камсыздоо;

- Кыргыз Республикасынын мыйзамдарына ылайык маалымдамалык-маалыматтык кызмат көрсөтүүлөрдү жана ресурстарды жайгаштыруу.

3. Жарандык абалдын актыларын жазуунун автоматташтырылган маалыматтык тутумунда иштетилүүчү жеке маалыматтар

7. Жарандык абалдын актыларын жазуунун автоматташтырылган маалыматтык тутумунда жарандардын төмөнкүдөй жеке маалыматтары иштетилет:

- идентификациялык жеке номери;