КЫРГЫЗ РЕСПУБЛИКАСЫНЫН ЖОГОРКУ КЕҢЕШИНИН ТОКТОМУ

2022-жылдын 12-январы № 12-VII

Кыргыз Республикасынын Жогорку Кеңешинин Төрагасынын орун басарларын шайлоо жөнүндө

Кыргыз Республикасынын Конституциясынын 81-беренесинин 1-бөлүгүнө жана "Кыргыз Республикасынын Жогорку Кеңешинин Регламенти жөнүндө" Кыргыз Республикасынын Мыйзамынын 21-беренесине ылайык Кыргыз Республикасынын Жогорку Кеңеши токтом кылат:

1. Жашыруун добуш берүүнүн жыйынтыктары боюнча Кыргыз Республикасынын Жогорку Кеңешинин төмөнкү депутаттары Кыргыз Республикасынын Жогорку Кеңешинин Төрагасынын орун басарлары болуп шайлансын:

Исаева Джамиля Кубанычбековна - "Ата-Журт Кыргызстан" парламенттик фракциясынан;

Сыдыгалиев Нурбек Өмүрбекович - "Ишеним" парламенттик фракциясынан;

Примов Улан Бердибаевич - № 11 Алай бир мандаттуу шайлоо округу боюнча.

2. Ушул токтом кабыл алынган күндөн тартып күчүнө кирет.