КЫРГЫЗ РЕСПУБЛИКАСЫНЫН ӨКМӨТҮ

2009-жылдын 28-июлу № 475

Кыргыз Республикасынын Өкмөтүнүн 1996-жылдын 22-апрелиндеги № 183 "Бишкек-Ош автомобиль жолундагы тоннель аркылуу транспорт каражаттарынын акы төлөп өтүүсүн уюштуруу жөнүндө" токтомуна өзгөртүүлөрдү жана толуктоолорду киргизүү тууралуу

Камбарата ГЭС-2нин курулушун аяктоо боюнча натыйжалуу ишти камсыз кылуу максатында, биринчи агрегатты 2009-жылдын аягына карай эксплуатациялоого киргизүү боюнча мөөнөттөрдүн жакындаганына байланыштуу Кыргыз Республикасынын Өкмөтү

ТОКТОМ КЫЛАТ:

1. Кыргыз Республикасынын Өкмөтүнүн 1996-жылдын 22-апрелиндеги №183 "Бишкек-Ош автомобиль жолундагы тоннель аркылуу транспорт каражаттарынын акы төлөп өтүүсүн уюштуруу жөнүндө" токтомуна төмөнкүдөй өзгөртүүлөр жана толуктоолор киргизилсин:

- преамбуладагы "15" сандары "21" сандарына алмаштырылсын;

- бүткүл текст боюнча ар кандай жөндөмөдөгү "Бишкек-Ош автожолун реконструкциялоо жана эксплуатациялоо боюнча башкы дирекция" деген сөздөр "Бишкек-Ош автожолу мамлекеттик дирекциясы" деген сөздөргө алмаштырылсын;

- 1-пункттун төртүнчү абзацындагы "Кыргыз Республикасынын Экономика министрлиги" деген сөздөр "Кыргыз Республикасынын Экономикалык өнүгүү жана соода министрлиги" деген сөздөргө алмаштырылсын;

- 4-пунктта:

төртүнчү абзацтагы "Кыргыз Республикасынын Улуттук коопсуздук министрлиги" деген сөздөр "Кыргыз Республикасынын Мамлекеттик улуттук коопсуздук комитети" деген сөздөргө алмаштырылсын;

сегизинчи абзацтагы "Кыргыз Республикасынын Өзгөчө кырдаалдар жана жарандык коргонуу боюнча министрлиги" деген сөздөр "Кыргыз Республикасынын Өзгөчө кырдаалдар министрлиги" деген сөздөргө алмаштырылсын;

- төмөнкүдөй мазмундагы абзац менен толукталсын:

"- Камбарата гидроэлектрстанция - 2нин курулушу үчүн арналган жүктөрдү ташуучу;

- "Электр станциялары", "Кыргызстандын улуттук электр тармактары", "Түндүк электр", "Ош электр", "Жалалабат электр" жана "Чыгыш электр" ачык акционердик коомдорунун электр энергетикалык ишканалары.";