Загрузка документа…
КР Өкмөтүнүн 2021-жылдын 1-апрелиндеги № 128 токтомуна ылайык КҮЧҮН ЖОГОТТУ
| Кыргыз Республикасынын Өкмөтүнүн 2009-жылдын 27-августундагы №539 токтому менен бекитилген |
Кыргыз Республикасынын Экономика министрлигинин алдындагы "Тышкы соода чөйрөсүндөгү "Бирдиктүү Терезе" борбору" мамлекеттик ишканасынын УСТАВЫ
(КР Өкмөтүнүн 2012-жылдын 30-октябрындагы № 756, 2014-жылдын 27-январындагы № 55, 2016-жылдын 14-октябрындагы № 549 токтомдорунун редакцияларына ылайык)
1. Кыргыз Республикасынын Экономика министрлигинин алдындагы "Тышкы соода чөйрөсүндөгү "Бирдиктүү терезе" борбору" мамлекеттик ишканасы (мындан ары - Ишкана), Кыргыз Республикасынын мыйзамдарына ылайык тышкы соода чөйрөсүндөгү "бирдиктүү терезе" системасын киргизүү, "бирдиктүү терезе" принцибин жүзөгө ашыруу жана илгерилетүү максатында түзүлгөн.
2. Ишкананын уюштуруучусу Кыргыз Республикасынын Өкмөтү.
3. Ишкана өз ишин жүргүзүүдө Кыргыз Республикасынын Конституциясын, Кыргыз Республикасынын мыйзамдарын, Кыргыз Республикасынын Президентинин жарлыктарын жана буйруктарын, Кыргыз Республикасынын Өкмөтүнүн токтомдорун жана буйруктарын жана Кыргыз Республикасынын башка ченемдик укук актыларын, ошондой эле ушул Уставды карманат.
4. Ишкана Кыргыз Республикасынын Экономика министрлигине (мындан ары - Министрлик) түздөн-түз баш ийет.
Ишкана чарба жүргүзүү укугуна негизделген мамлекеттик ишкананын уюштуруу-укуктук формасында иштеген юридикалык жак болуп саналып, өз алдынча мүлккө ээ болуу менен, өзүн актоочу негизде иш жүргүзөт.
Ишкананын өз алдынча балансы, Кыргыз Республикасынын банк мекемелеринде жана чет өлкөлүк банктарда улуттук же чет өлкөлүк валютада алыш-бериш жана башка эсептери, мөөрү, фирманын аталышы көрсөтүлгөн бланкалары, штампы жана башка атрибуттары бар.
5. Ишкана Министрлик менен макулдашып жана ушул Уставга ылайык, Кыргыз Республикасынын аймагында белгиленген тартипте аймактык кызматтарды ачууга укуктуу.
5-1. Эгерде эл аралык келишимде башкача каралбаса, Кыргыз Республикасынын мыйзамдарынын, ошондой эле өкүлчүлүктөрдүн жайгашкан жери боюнча чет мамлекеттердин мыйзамдарынын талаптарын сактоо менен Ишкана Кыргыз Республикасынын аймагында жана анын чегинен тышкарыда өкүлчүлүктөрдү ачууга укуктуу.
(КР Өкмөтүнүн 2014-жылдын 27-январындагы № 55 токтомунун редакциясына ылайык)
6. Ишкананын аталышы:
- кыргыз тилинде - "Кыргыз Республикасынын Экономика министрлигинин алдындагы "Тышкы соода чөйрөсүндөгү "Бирдиктүү Терезе" борбору" мамлекеттик ишканасы";
- расмий тилде - "Государственное предприятие "Центр "единого окна" в сфере внешней торговли при Министерство экономики Кыргызской Республики";
- англис тилинде - "Single Window" "Centre for foreign trade under Ministry of Economy of the Kyrgyz Republic".
(КР Өкмөтүнүн 2012-жылдын 30-октябрындагы № 756, 2014-жылдын 27-январындагы № 55 токтомдорунун редакцияларына ылайык)